11 қаңтарда Астана халықаралық әуежайында 23 рейс ұшып келу рейсін кейінге қалдырды. Қазір әуежай штаттық режимде жұмыс істеп тұр, деп жазады Egemen.kz.
«Сағат 10:00-дегі жағдай бойынша 14 рейс ұшып келуге, 9 рейс ұшуға кейінге қалдырылды. Оған себеп ұшақтардың кешігіп келуі», деп хабарлады Астана халықаралық әуежайының баспасөз қызметінен.
Әуежайда қардан тазарту, оның ішінде ұшу-қону жолағында тұрақты жұмыс жүргізіліп жатыр.
Жолаушылар соңғы ақпаратты авиакомпаниялардың байланыс орталықтарынан біле алады.