Бүгін Астанада Құрлықтық хоккей лигасының (ҚХЛ) тұрақты маусымының матчы өтеді. Онда «Барыс» өз алаңында «Сібірді» қабылдайды, деп хабарлайды Egemen.kz.
Sports.kz сайтының хабарлауынша, «Барыс» - «Сібір» матчының тікелей трансляциясы Астана уақытымен сағат 19:30-да басталып, Qazsport телеарнасынан көрсетіледі.
Қазір «Барыстың» 52 ойыннан кейін 48 ұпайы бар. Ал Сібір 51 кездесуден кейін 64 ұпай жинады.
«Барыс» өзінің соңғы тұрақты матчында өз алаңында «Нефтехимиктен» ұтылды (3:5), ал «Сібір» қосымша уақытта «Ақ Барысты» жеңді (4:3). ҚХЛ-дағы соңғы алты кездесудің біреуінде ғана «Барыс» жеңіске жетті.