Алматыда бір апта бұрын жоғалып кеткен екі оқушы табылды, деп хабарлайды Egemen.kz.
Алматы полициясы 7 ақпанда жоғалып кеткен екі оқушыны тауып, ата-анасына тапсыру үшін полиция бөлімшесіне жеткізді.
«Криминалдық полиция бөлімшесі із-түзсіз жоғалғандар тізімінде тұрған екі жасөспірімді тапты. Қазір олар полиция бөліміне жеткізіліп, ата-анасына тапсырылады. Олардың мекен-жайы анықталды. Анықталғандай, оқушылар компьютерлік клубтарда ойын ойнаған», дейді Бостандық аудандық ішкі істер бөлімінің басшысы Мақсат Қанапяев.