Уран мен мұнай акциясына сұраныс артып келеді

Оған себеп, өткен айдың басынан бері уран өндірушілер – 33%-ға, ал мұнай өндіруші ком­па­­ниялардың акциялары – 8%-ға­ рекордтық деңгейде өскен.

Ұсынылған ақпарат көздеріне қарағанда, шетел валютасына деген сұраныс ұсыныстан тағы да асып түсіп, USD/KZT бағамының айтар­лықтай өсуіне әкелген. Сауда-саттық нәтижесінде орташа сара­ланған бағамы бір дол­ларға 477,05 теңгеге (+3,06 теңге) дейін көтеріліп, сауда көлемі 173,1 млн долларды (+50,5 млн) құра­ған. Шетел валютасын сатып алу ішкі факторлардың әсерінен мәсе­лен,импорт үшін төлем, сыртқы міндеттемелерге қызмет көр­сету, айырбас бағамындағы күту­лерді қайта қарау, сонымен қатар мұнай бағасының төмендеуі, инвес­тор­лардың тәуекелден бас тартуы мен жаһандық доллар индексінің нығаюынан болғанға ұқсайды.

Ақша нарығының инди­кативтік бағам­дары біршама өзгеріп,TONIA 17,06-дан 17,13%-ға дейін өссе, SWAP 12,28-ден 12,22%-ға дейін төмен­деген. Сауда көлемі жыл бас­ы­нан бері орташа мәннен (817 млрд) айтарлықтай жоғары болып, 1,4 трлн теңгені (35 млрд теңге) құра­ды.

 Ұлттық банк ұсынған апта сайынғы депозиттерге қарағанда нарықтық сұраныс төмен болып (92 млрд теңге), 16,5% жылдық базалық мөлшерлеме кірістілікпен толық қанағаттандырылған. Осыған орай, ашық позиция Бас банктің нарық алдындағы таза қарызы 4,3 трлн теңге жақындапты.

Қор нарығы бойынша KASE индексі 4 053,5 тармақты (+0,75%) құрап, ең жоғары деңгейде қалып­тасты. «Қазатомөнеркәсіп» (+3,9%) пен ҚМГ (+2,1%) үлесі шикізат нарығындағы өсімнің негізгі драйверін құрады деуге болады.

Әлемдік нарықта АҚШ-тың негізгі қор индексі федералды­ үкіметтің тағы да жабылу ықти­мал­дылығының артуы мен әлсіз макростатистика аясында 1,1-1,6%-ға құлдырағанын көрсетіп отыр. Жарияланған макростатис­ти­ка тұтынушылардың сенім индексі бойынша қыркүйек айында бұрынғы 108,7 тармақтан 103 тармаққа дейін төмендеген.

Brent мұнайының баға белгі­леулері сауданы құлдыраумен (0,92%) аяқтап, барреліне 92,4 долларды құрады. Нарықтың өсу үрдісіндегі үзіліс әлемдегі экономикалық жағдайдың нашарлауымен сұраныстың төмендеуіне, сондай-ақ COVID-19 салдарынан болғандығын айтады.

Сауда нәтижесі USD/RUB жұбының бағамы бір доллар үшін 96,38 рубльге дейін өскен (+0,15%). Мұндай динамика­ қыркүйек айындағы салық кезеңінің соңғы күндерінде шетел валютасын сату­шылар белсенділігінің төмен­деуімен байланыстырады. Ресей аза­маттары үшін инфляциялық күтулер қыркүйекте 0,2 % тармаққа өсуді жалғастырып, 11,7%-ды құрағаны бар.