Қызылорда мектептерінің бірінде бұрыш спрейінен уланған 20-дан астам оқушы ауруханаға жеткізілді, деп хабарлайды Egemen.kz облыстық Полиция департаментіне сілтеме жасап.
Облыстық полиция департаментінің мәлімдеуінше, 3 қазан күні қаладағы мектептердің бірінде оқушы бұрыш спрейін шашып, салдарынан 20-дан астам оқушы өзін жайсыз сезініп, ауруханаға түскен. Олардың барлығы іші және тамағы ауырып, жүректері айнып, ауыздарынан жағымсыз иіс шыққанын айтқан. Зардап шеккен балалардың жастары - 7-12 жас аралығы.
«Бұрыш спрейін қолдану дерегі бойынша қылмыстық іс қозғалды», делінген полиция хабарламасында.