АСТАНА. 29 сәуір. Шығыс Қазақстан облысы Шемонаиха ауданының 18 жастағы тұрғыны 5-қабаттағы пәтерінің терезесінен құлап кетті. Ол ауруханаға ес-түссіз күйде жеткізілді. Бұл туралы yk-news.kz хабарлады.
Оқиға аталған ауданның Первомайск ауылында болған. Дәрігерлер бойжеткеннің бірнеше жерден дене жарақатын алғанын, сондай-ақ, миына зақым келгенін анықтады. Полицейлердің айтуынша, келеңсіз жайт ішімдіктің салдарынан болған.
Қазіргі таңда бойжеткен жан сақтау бөлімінде ес-түссіз жатыр. Бүгінде тәртіп сақшылары оқиғаның мән-жайын анықтауға кірісті.
Талғат Райымбек.
Дерек, сурет: yk-news.kz.