Елбасы Нұрсұлтан Назарбаев белгілі музыкант, эстрада әншісі әрі композитор Батырхан Шөкеновтің қайтыс болуына байланысты марқұмның отбасы мен туған-туыстарына көңіл айту жеделхатын жолдады, деп хабарлады Президенттің баспасөз қызметі.
Жеделхатта Б.Шөкенов жан-жақты дарындылығымен, жоғары орындаушылық шеберлігі және жеке басының қасиеттерімен миллиондаған тыңдаушының сүйіктісі болғаны атап өтілген.
«Осындай адамның кенеттен қайтыс болуы бәрімізді өкіндіріп отыр. Оның есімі және орындауындағы шығармалары халқымыздың жадында сақтала береді», – делінген жеделхатта.