Қазақтың қыран ұшқан тауы сынды,
Сізге бердім, Нұр-аға, дауысымды.
«Нұрлы Жол» – Сіз таңдаған мәңгілік жол,
Білмеймін басқа жолға ауысуды!
Шөлейтті орасам деп ну орманға,
Көшті түзеп барасыз ұлы арманға.
Сізге ғана сүйенем сәл мұңайсам,
Сізді ойлаймын артықтау қуанғанда!
Құрмет тұтып Шығысың, Батысыңыз,
Төрден орын береді АҚШ-ыңыз.
Төрелі іс бітіресіз Төбе би боп,
Қазақи бұзылмастан нақышыңыз!
Алғысым, тілегім көп, Аға, сырлы,
Жас ұрпаққа тостыңыз бар асылды.
Қазыналы карттардың қамқорысыз,
Сізден артық таппаймыз жанашырды!
Бірліктің алтын дәнін уыстаған,
Ұлттың ұлы дос маған, туыс маған.
Қалың ел қолдайтыны анық Сізді,
Алашта Елді бастап, Ту ұстаған!
Нұрғали ИБРАЙЫМ.
Шардара.