Ақтау тұрғынын тонап кеткен күдікті Мәскеуде қолға түсті, деп хабарлайды Egemen.kz.
ІІМ мәліметінше, 2018 жылы қаскүнем күш қолданып, Ақтау қаласының тұрғынын тонаған.
«Мәскеуде ҚР ІІМ Интерпол Ұлттық орталық бюросының сұрауы бойынша қарақшылық шабуыл жасағаны үшін халықаралық іздеуде жүрген 33 жастағы ер адам ұсталды», делінген хабарламада.
Қазіргі таңда сотталушы уақытша ұстау изоляторына қамалған. Сонымен қатар күдіктіні Қазақстанға экстрадициялау мәселесі шешіліп жатыр.