Қарағанды облысындағы тас жолда екі көлік соқтығысып, жол апаты салдарынан жасөспірім зардап шекті, деп хабарлайды Egemen.kz.
Облыстық Полиция департаментінің хабарлауынша, жол апаты кеше, 1 желтоқсанда Алматы-Екатеринбург тас жолының 1045-ші шақырымында болған.
«Hyundai және Volkswagen Golf көліктері жол-көлік оқиғасына ұшырады. Апат салдарынан 12 жастағы жолаушы медициналық көмекке жүгінді. Көлік құралдары механикалық зақымданған», делінген хабарламада.
Аталған оқиға бойынша тиісті сараптамалар тағайындалып, нәтижелері бойынша процестік шешім қабылданады.