Роза Бағланова атындағы «Қазақконцерт» мемлекеттік академиялық концерттік ұйымының Қазақ мемлекеттік симфониялық оркестрі көрерменге фортепиано музыкасының кешін ұсынды, деп хабарлайды Egemen.kz.
Концерттік бағдарламада Д.Шостаковичтің №2 концерті, С.Рахманиновтың таңдамалы прелюдиялары және А. Скрябиннің этюдтері орындалды.
Музыка кешінде Ресей және Башқұртстанның Халық әртісі, П.И.Чайковский атындағы және Лидстегі беделді халықаралық байқаулардың лауреаты – Владимир Овчинников, Ресейдің еңбек сіңірген әртісі, Гнесиндер атындағы Ресей музыка академиясының профессоры, беделді халықаралық конкурстардың жеңімпазы және мәртебелі «Steinway Artist» атағының иегері – Юрий Богданов өнер көрсетті.
Еске салайық, Қазақ мемлекеттік симфониялық оркестрі 1991 жылы Қазақстан Республикасының Халық әртісі, оркестрдің көркемдік жетекшісі Айман Мұсахаджаеваның бастамасымен құрылған еді.