2026 жылғы 16 наурызда Brent маркалы мұнай бағасы барреліне 103,14 долларға жетіп, 2,67%-ға өсті. WTI мұнайы да қалыс қалмай, 3,11%-ға қымбаттап, 98,71 долларға жетті. Күн бойы баға белгіленімі Таяу Шығыстағы қақтығыстың ушығуына байланысты айтарлықтай құбылып тұр, деп хабарлайды Egemen.kz.
Мұнай трейдерлері мен сарапшылардың бағалауынша, наурыз айында әлемдік мұнай жеткізілімдері күн сайын 8 млн баррельге қысқаруы мүмкін, ал Таяу Шығыс өндірушілері күніне кем дегенде 10 млн баррель өндіріске азайту енгізді.
Тегеранның мұнай базасы өртеніп жатыр
Халықаралық энергетикалық агенттік (IEA) азиялық нарықтарға жеткізу үшін қатысушы елдердің төтенше қорларынан 400 млн баррель мұнай бөлгенін жариялады. Дегенмен трейдерлер қазіргі үзілістерді толық өтей алмайтынына күмәнданады.
Мұнай бағасының рекордтық өсуі басқа энергия көздеріне де әсер етті:
Табиғи газ соңғы бір айдағы максимумге жетіп, 3,20 доллардан асты; Бензин мен мазут фьючерстер 5-7%-ға өсті; Көмір тоннасы 140 долларға жетіп, 2024 жылдан бері ең жоғары көрсеткішті көрсетті. Сарапшылардың пікірінше, геосаяси дағдарыс бәсеңдемейінше, нарықтағы құбылмалылық сақталады. Егер шиеленіс жалғаса берсе, мұнай бағасы жаңа көпжылдық максимумдарды жаңартуы мүмкін. Иран төңірегіндегі шиеленіс: Мұнай бағасы ай басынан бері шамамен 24%-ға өсті