Жүлде

«Ақиқат» журналының ұйымдастыруымен журналистер арасында шахмат турнирі өтеді «Қазақ газеттері» серіктестігіне қарасты еліміздегі «Ең үздік қоғамдық-саяси басылым» – «Ақиқат» журналының жүлдесі үшін журналистер арасында шахмат турнирін өткізу дәстүрге айналып келеді. Алғашқы турнир Қазақ ұлттық поли­­­­тех­никалық университетінің шаңырағында өткізілген болса, екінші жарыс шахматтан әлемнің бірнеше дүркін чемпио­ны Жансая Әбдімәліктің шахмат академиясында ұйымдастырылды. Қолына қалам ұстаған сөз зергерлерінің арасында тартысты өтетін биылғы үшінші турнирді де қазақтың атын әлемге танытып жүрген Әбдімәліктің шахмат академиясында (Сәтбаев және Байсейітова көшелерінің қиылысы) 24 шілде күні өткізгелі отырмыз. Ақпарат айдынында өзіндік орны бар «Қазақ газеттері» серіктестігіне қарасты алты басылымның журналистері – турнирдің белсенді қатысушылары. Қазір ұйым­­­дастыру алқасы жур­налис­тер арасындағы дәстүрлі шахмат тур­ниріне қатысу­ға тілек білдірушілердің өтініштерін қабылдап жатыр. Барлық әріптестерімізді шахмат турниріне белсе­нділік­пен қаты­суға шақырамыз. Игілікті іс-шарадан сырт қал­маңыздар, бұқаралық ақпарат құралдарының қызметкерлері! Өтініштеріңізді біздің электронды поштамызға kaz_gazeta@mail.ru жолдауларыңызға немесе 394-37-42 , 394-42-90 және 8-701-620-21-14 телефондары арқылы хабарласып, тіркелуге болады. «Егемен-ақпарат».