АЛМАТЫ. 16 қазан. Украина – Біріккен Ұлттар Ұйымының Қауіпсіздік Кеңесіне мүше болып сайланды. Бұл туралы ВВС хабарлады.
Нью-Йорктегі БҰҰ Бас Ассамблеясының мәжілісінде қатысып отырған 192 елдің 172-інің дауыс беруімен осындай шешім қабылданды. Санақ кезінде 14 делегаттың қалыс қалып, бір бюллетеннің жарамсыз қалғаны жарияланды.
Украина құзырлы жаңа міндетіне 2016 жылдың 1 қаңтарынан бастап кіріседі. Атап өтетін жайт, БҰҰ Қауіпсіздің Кеңесіне әлемнің 15 елі мүше. Ветоға құқы бар бес мемлекеттен – Ұлыбритания, Қытай, Ресей, АҚШ және Франциядан тыс өзге елдер жыл сайын жаңарып тұрады.
Талғат Сүйінбай.
Дерек: ВВС.
Сурет: АР.