АСТАНА. 6 шілде. Францияның Hockeyarchives.com интернет-порталы 2014-2015 жылдардың маусым қорытындысы бойынша кәрі құрлықтың 250-ге тарта үздік хоккей клубтарының жыл сайынғы рейтингісін жариялады. Бұл туралы sports.kz порталы хабарлады.
Бұл тізімде бірінші орынды мәскеулік ЦСКА командасы иемденген.
Жалпы, аталған рейтингте Жоғары хоккей лигасында (ВХЛ) өнер көрсететін 23 клубқа да орын беріліпті.
Ұжымдар арасында ең жоғары көрсеткішке Қарағандының «Сарыарқасы» қол жеткізген. Олар әзірге 128-ші орынға табан тірепті. Ал Өскеменнің «Торпедосы» 207-орында.
Еске салар болсақ, қарағандылық клуб жоғары хоккей лигасы тұрақты чемпионатының 2014-2015 жылдың маусымдағы жеңімпазы.
Қайрат Әбілдинов.
Дерек: sports.kz.
Сурет:sport.gazeta.kz.