Бокс. «Астана арландары» Ресей командасын 9:1 есебімен жеңді

АСТАНА. 24 мамыр. Бүкіләлемдік бокс сериясында (WSB) ел намысын қорғайтын «Астана арландары» жарыстың финалына шықты. Екі кездесуден тұрған жартылай финалда «арландар» «Ресей бокс командасымен» (Russian boxing team) күш сынасып, 9:1 есебімен басым түсті. Бұл туралы egemen.kz хабарлады. Алғашқы жарыс күнінде командамыз 5:0 есебімен жеңгені белгілі. Ал бүгінгі айқас «арландардың» пайдасына 4:1 есебімен аяқталды. Астанадағы «Дәулет» ұлттық теннис орталығында өткен тартыста аса ауыр салмақтағы боксшымыз Иван Дычко алғаш рет «арландар» сапында жұдырықтасты. Нәтижесінде 2-раундта қарсыласын техникалық нокаутпен жеңді.

«Астана арландары» – «Ресей бокс командасы» 9:1

23 мамыр 49 кг.: Теміртас Жүсіпов – Вадим Кудряков 3:0 (50:45, 50:45, 50:45). 56 кг.: Қайрат Ерәлиев – Андраник Григорян 3:0 (50:45, 48:47, 49:46). 64 кг.: Самат Бәшенов – Авак Узлян 3:0 (49:46, 48:47, 48:47). 75 кг.: Мейірім Нұрсұлтанов  – Сухроб Сидиков 3:0 (50:45, 50:45, 49:46). 91 кг.: Василий Левит – Виталий Кудухов DSQ R4 (Ресей боксшысы 4 мәрте ескерту алып, жекпе-жек тоқтатылды). 24 мамыр 52 кг.: Олжас Сәттібаев – Карен Арутюнян 3:0 (49:46, 48:47, 49:46) 60 кг.: Закир Сафиуллин – Артур Субханкулов 3:0 (48:47, 48:47, 48:47). 69 кг.: Данияр Елеусінов – Якуб Нуриев 2:1 (47:48, 48:47, 48:47). 81 кг.: Нұрдәулет Жарманов – Эдуард Якушев 0:3 (46:49, 46:49, 46:49). +91 кг.: Иван Дычко – Руслан Шамалов TKO R2. Шешуші сында Марат Жәкиев жаттықтыратын боксшыларымыз Кубаның «Куба домадорес» командасымен кездеседі. Өз кезегінде кубалықтар Мексика командасын жалпы нәтиже бойынша 10:0 есебімен жеңген болатын. Еламан Қоңыр. Дерек: egemen.kz. Сурет: worldseriesboxing.com.