АСТАНА. 25 мамыр. Қаладағы Иманов пен Қажымұқан көшелерінің қиылысында 10-12 жастағы мектеп оқушысын көлік қағып, жеткіншек оқиға орнында қайтыс болды. Бұл туралы today.kz хабарлады.
Куәгерлердің айтуынша, жеткіншек мектепте өткен соңғы қоңырау кешіне қатысып, үйіне қайтып келе жатқан. Ол қос көшенің қиылысындағы жаяу жүргіншілер жолағынан өтпек болған. Алайда, оны Toyota Prado көлігі қағып кеткен. Алдын ала белгілі болған деректерге сүйенсек, көлік жүргізушісі 1983 жылы туған азаматша, Астана қаласының тұрғыны екен.
Айта кетейік, қазіргі уақытта полицейлер оқиғаның анық-қанығын тексеру үстінде.
Талғат Райымбек.
Дерек, сурет: today.kz.