Л.Н.Гумилевтің 98 жасқа толуына орай Еуразия ұлттық университетінің бас ғимаратында еске алу кеші өтті. Оған университет ректоры Б.Әбдірайымов бастаған оқытушылар мен студенттер қатысты.
Л.Н.Гумилев атындағы ЕҰУ ректоры, заң ғылымдарының докторы Бақытжан Әбдірайымов: “Екі жылдан кейін Л.Н.Гумилевтің 100 жылдығы тойланбақ. Біз осы үлкен мерейтойды тек қана Қазақстан аумағында ғана емес, әлем деңгейінде өткізу мәселесін алға қойып отырмыз. Осы мақсатта Қазақстан Республикасының ЮНЕСКО жанындағы тұрақты өкілі Олжас Сүлейменовке хабар жібердік. Осыған орай, бірнеше халықаралық ұйымдардан да қолдау алып отырмыз”, – деді.
Басқосуға жиналғандар көрнекі ғалым Л.Н.Гумилев жайлы деректермен танысып, ескерткіш алдына гүл шоқтарын қойды.
Жұлдыз БАЙДІЛДА, ЕҰУ студенті.