Қазақстан Республикасы Туризм және спорт министрлігі мен Қазақстан Республикасы Ауыл шаруашылығы министрлігі арасындағы дене шынықтыру мен спорт саласындағы ынтымақтастық туралы МЕМОРАНДУМ

Астана қаласы            22 қараша     2010 жыл Бұдан әрі тараптар деп аталатын Қазақстан Республикасы Туризм және спорт министрлігі, министр Т.М.Дос­мұ­хам­бетовтің атымен бірінші тараптан жә­не Қазақстан Республикасы Ауыл шаруа­шы­лығы министрлігі, министр А.Қ.Кү­­­­­­­­­­­­ріш­­баевтың атымен екінші тараптан Мемлекет басшысының 2010 жыл­ғы 29 қаңтардағы «Жаңа онжылдық – жаңа экономикалық өрлеу – Қазақстанның жаңа мүмкіндіктері» атты Қазақстан халқына Жолдауында белгіленген бұқара­лық дене шынықтыру – спорттық қозғалысты дамы­ту жөніндегі тапсырмасын іске асыру мақ­сатында ауыл тұрғындарын жүйелі түрде дене шынықтыру және спортпен шұғыл­дануға, саламатты өмір салтын қалыптас­тыруға тарту үшін ауылдық жерлерде бұқаралық дене шынықтыру-спорт жұ­мыс­­тарын ұйымдастыру нысандарын жетілдіру қажеттілігін сезіне отырып, төмендегі туралы келісті: 1-бап Тараптар жергілікті атқарушы орган­дар­дың, салалық қоғамдық ұйымдардың, спорт федерацияларының (одақтар, қауым­дастықтар) және басқа да ұйымдар мен қоғамдардың күштерін біріктіру ар­қылы ауылда дене шынықтыру мен спорт­тың дамуына, олардың ауыл спортын тиімді дамытуға бағытталған бастамаларын қолдауға жәрдем көрсетеді. 2-бап Ауылдағы спорт пен дене шынық­тырудың жай-күйін жақсарту мақсатында тараптар заманауи спорт инфрақұры­лымын, дене шынықтыру-сауықтыру және спорт ғимараттарының кең желісін құруға жәрдем көрсетеді. 3-бап Тараптар ауылда бұқаралық дене шынықтыру-спорт жұмыстарын ұйымдас­тыру нысандарын жетілдіру және ауыл спортшыларының спорттық шеберліктерін арттыру мақсатында «Қайрат» ауылдық спорт қоғамын құру мәселесі бойынша қажетті шаралар қабылдайды. 4-бап Тараптар ауыл тұрғындары арасында дене шынықтыруды, спортты және сала­матты өмір салтын насихаттауға және дәріптеуге бұқаралық ақпарат құралдары, Қазақстанның танымал спортшыларын тарту арқылы жәрдем көрсетеді. 5-бап Тараптар ауыл еңбеккерлері, оқушы жастар арасында үздік спортшыларды анық­тау және олардың спорттық шеберліктерін жетілдіру үшін әлеуметтік маңы­зы бар спорттық іс-шаралар өткізеді. 6-бап Тараптар ауыл спортын дамыту үшін спорт инфрақұрылымдарына инвестиция тартуға, демеушілік пен қайырымдылық көмек көрсетуге ықпал жасайды. 7-бап Тараптар ауылдық әкімшілік-аумақ­тық бірліктерде спортты мемлекеттік бас­қару органдарының жұмысын қамтамасыз ету арқылы ауылда спортты дамытуға жәрдем көрсетеді. 8-бап Тараптар ауылдағы дене шынықтыру және спорт жұмыстарын кадрлық қамта­масыз етуге жәрдем көрсетеді. 9-бап Тараптар осы меморандумда қойыл­ған мақсаттарға жету үшін бірлескен ке­ңес­тер өткізеді, өзара қызығушылық туды­ратын мәселелер бойынша өздерінің құзы­ретіндегі барлық ақпараттармен алмасады. 10-бап Осы меморандум Қазақстан Респуб­ликасы Туризм және спорт министрлігі мен Қазақстан Республикасы Ауыл шаруа­шылығы министрлігі арасындағы дене шынықтыру мен спорт саласындағы іс-шаралар жөніндегі жоспардың негізінде жүзеге асырылады (№1 қосымша). 11-бап Осы меморандумға өзара келісім бойынша осы меморандумның ажырамас бөлігі болып табылатын өзгерістер мен толықтырулар енгізілуі мүмкін, ол тиісті хаттамамен ресімделеді. 12-бап Меморандумның ережелерін түсін­діру мен қолдану барысында туындайтын даулар мен келіспеушіліктер орын алған жағдайда, тараптар оны келіссөздер мен кеңестер арқылы шешетін болады. 13-бап Осы меморандум қол қойылған күннен бастап күшіне енеді және белгіленбеген мерзімге жасалады, және тарап­тардың бірі екіншісіне осы келісім­нің қолданысын тоқтату туралы жазбаша хабарлаған күннен бастап алты ай өткенге дейін қолданыста болады. 14-бап Осы меморандум төрт тұпнұсқа данада әр тарапқа екі данадан қазақ және орыс тілдерінде жасалған, сонымен бірге, барлық мәтіндердің заңды күші бірдей. Қазақстан Республикасы Туризм және спорт министрлігі үшін министр ______________Т. ДОСМҰХАМБЕТОВ Қазақстан Республикасы Ауыл шаруашылығы министрлігі үшін министр ____________А. КҮРІШБАЕВ