АСТАНА. 3 қаңтар. Елімізде осы жылдың 1 қаңтарынан бастап темекінің бағасы күрт қымбаттап кетті. Бұл туралы ras.kz хабарлады.
Енді ең арзан деген темекі өнімінің қорабы 240 теңге тұрады. Ал сұранысқа ие маркалар орта есеппен 350-480 теңге аралығына дейін көтерілді.
Осы жолғы қымбаттаушылық мың дана сигарет акцизі ставкасы бағасының 2015 жылғы 3,9 мың теңгеден 5 мың теңгеге дейін көтеріліп кеткені себеп болып отыр.
Айта кетейік, 2012 жылы бұл көрсеткіш бар-жоғы 750 теңге болған-ды.
Депутаттар пікірінше, шылым бағасының бұлайша қатты қымбаттап кетуі оны шегушілер қатарларын да күрт азайтуы тиіс. Осылайша тұрғындарды жаман әдеттен айыруға болады. Сондай-ақ, қазақстандықтардың денсаулығын қорғаудағы шараның бірі дейді халық қалаулылары.
Талғат Райымбек.
Дерек, сурет: ras.kz.