АСТАНА. 3 қаңтар. Елімізде ауа райы құбылып тұр. Шығыс Қазақстан, Қостанай, Қызылорда облыстарында бұрқасын соғып, жолдардың кей бөліктері жабылды. Бұл туралы 24.kz хабарлады.
Төтенше жағдайлар қызметінің хабарлауынша, «Ақтөбе-Хромтау» тасжолының Белогорка кентіне дейінгі аумағы, сондай-ақ Шығыс Қазақстан облысында «Қарағанды-Аягөз-Бұғаз» және «Күршім-Қалжыр» тасжолының кей бөліктерінде, сонымен қатар Қостанай облысындағы «Жітіқара-Мықтыкөл» бағыттарында көлік қозғалысына шектеу қойылды. Мұнан бөлек, Қызылорда облысының «Самара-Шымкент» автожолында қозғалыс тоқтатылды.
Айта кетейік, еліміздің синопиктері ауа райының қолайсыздығы мен күннің күрт суытуына орай қазақстандықтарды ретсіз далаға шықпау мен абай болуға шақырады.
Талғат Райымбек.
Дерек, сурет: 24.kz.