Бұл – Қазақстанда тұңғыш рет осындай деңгейде ашылып отырған жабық картинг орталығы. «Формула-1» орталығына Германияда құрастырылған жапондық «Хондо» маркалы 15 картинг машинасы алынған.
Аумағы 4200 шаршы метр, жолының ұзындығы 380 метр картинг орталығы еуропалық стандарт бойынша жарақтандырылған. Электронды көрсеткіш тақтадағы хронометраж жүйесінен айналым нәтижелері көрініп тұрады.
Картингпен айналысатын балаларға бір үлгідегі спорттық киім алынған.Осында ұйымдастырылған картинг мектебінде бір мезгілде 15-20 бала жаттығады.Әзірге мұнда келушілерге алты машина ұсынылып отыр.Орталықты пайдалануға беруге 80 млн. теңге жұмсалды. Картинг орталығын пайдалануға берген «АрсеналСтройСервис» ЖШС-нің директоры Александр Мишкойдың айтуынша, мұнда аймақтық ірі жарыстар өткізуге әбден болады. Ең бастысы, балалар жастайынан көлік жүргізуге дағдыланады, спортпен айналысады. Мұнда жаңадан 30 жұмыс орны ашылды.
Сатыбалды СӘУІРБАЙ, Ақтөбе облысы.