Жақында Түркияның Елазық қаласында түркі халықтары ақындарының «Хазар шиир ақшамлары» атты халықаралық поэзия фестивалі өтті. 1992 жылдан бастап өтіп келе жатқан бұл жыр додасы биыл Әлішер Науаидің құрметіне арналды. Осыған дейінгі өткен фестивальдардың бірі Алаштың ардақты ақыны Мағжан Жұмабаев рухына арналып өткен екен. Елазықтың әкімдігі мен Еуразия Жазушылар одағының ұйымдастыруымен болған осы айтулы жыр фестиваліне Қазақстанның Түркиядағы елшілігінің шақыртуымен елімізден «Ан-Арыс» баспасының бас редакторы, ақын Кәдірбек Құныпияұлы мен «Мөлдір бұлақ» журналы бас редакторының орынбасары, ақын Саят Қамшыгер қатысып қайтты.
Қазақстан, Қырғызстан, Әзербайжан, Татарстан, Гагаузия, Түркия, Косово, Ирак сияқты бірнеше мемлекеттен қатысқан ақындар 4 күн бойы Елазық қаласының аспанында өлең-жырдың құсын қалықтатты. Әр ақын өз туындыларын ана тілдерінде жатқа оқыды. Бұл жыр мерекесі түркі халықтарының туыстығын ұғындыра түсетін, жаны, тілі, рухы жақын ақындардың бауырмалдығын арттыратын керемет шара болды.
Ресми ашылуда Елазық қаласының басты көшелерімен поэзия фестиваліне қатысушы ақындар мен ұйымдастырушылар сырнайлатып, дабылдатып, ерекше салтанатты жағдайда, қолдарына ту көтеріп жүріп өтті. Бұл салтанатты шеруді тамашалауға Елазық қаласының халқынан бөлек, Түркияның басқа қалаларынан, шетелдерден өнерсүйер қауым арнайы келген екен.
Әр күнде түрлі кездесулер, басқосулар, конференциялар, дөңгелек үстелдер, жыр кештері өтіп, мәдениеттер арасында алтын көпір орнады. Кәдірбек Құныпияұлы мен Саят Қамшыгер осы шаралардың барлығында Қазақстанды, елдің әдебиеті мен руханиятын паш етіп, жүректерінен ақтарылған жырларын тебірене оқыды. Хазар көлінің жағасында, отыз ғасырлық тарихы бар Харпут қамалында, Палу ауданында өткен басқосулар да қазақ жырының құдіретін таныта түскені рас.
Қазақ поэзиясын түбі бір түркі елдеріне танытуда айрықша еңбек етіп келе жатқан Қазақстанның Түркиядағы елшілігі айтулы жыр мерекесіне қазақ ақындарын қатыстыру арқылы елдер мен елдерді, халықтар мен халықтарды жақындастыратын тағы да бір игі іс жасады. Еліміздің атынан жыр додасына барып қайтқан Кәдірбек Құныпияұлы мен Саят Қамшыгер дипломант атанып, түрлі сыйлықтарға ие болып, мерейлері тасып оралды.
«Егемен-ақпарат»
Жақында Түркияның Елазық қаласында түркі халықтары ақындарының «Хазар шиир ақшамлары» атты халықаралық поэзия фестивалі өтті. 1992 жылдан бастап өтіп келе жатқан бұл жыр додасы биыл Әлішер Науаидің құрметіне арналды. Осыған дейінгі өткен фестивальдардың бірі Алаштың ардақты ақыны Мағжан Жұмабаев рухына арналып өткен екен. Елазықтың әкімдігі мен Еуразия Жазушылар одағының ұйымдастыруымен болған осы айтулы жыр фестиваліне Қазақстанның Түркиядағы елшілігінің шақыртуымен елімізден «Ан-Арыс» баспасының бас редакторы, ақын Кәдірбек Құныпияұлы мен «Мөлдір бұлақ» журналы бас редакторының орынбасары, ақын Саят Қамшыгер қатысып қайтты.
Қазақстан, Қырғызстан, Әзербайжан, Татарстан, Гагаузия, Түркия, Косово, Ирак сияқты бірнеше мемлекеттен қатысқан ақындар 4 күн бойы Елазық қаласының аспанында өлең-жырдың құсын қалықтатты. Әр ақын өз туындыларын ана тілдерінде жатқа оқыды. Бұл жыр мерекесі түркі халықтарының туыстығын ұғындыра түсетін, жаны, тілі, рухы жақын ақындардың бауырмалдығын арттыратын керемет шара болды.
Ресми ашылуда Елазық қаласының басты көшелерімен поэзия фестиваліне қатысушы ақындар мен ұйымдастырушылар сырнайлатып, дабылдатып, ерекше салтанатты жағдайда, қолдарына ту көтеріп жүріп өтті. Бұл салтанатты шеруді тамашалауға Елазық қаласының халқынан бөлек, Түркияның басқа қалаларынан, шетелдерден өнерсүйер қауым арнайы келген екен.
Әр күнде түрлі кездесулер, басқосулар, конференциялар, дөңгелек үстелдер, жыр кештері өтіп, мәдениеттер арасында алтын көпір орнады. Кәдірбек Құныпияұлы мен Саят Қамшыгер осы шаралардың барлығында Қазақстанды, елдің әдебиеті мен руханиятын паш етіп, жүректерінен ақтарылған жырларын тебірене оқыды. Хазар көлінің жағасында, отыз ғасырлық тарихы бар Харпут қамалында, Палу ауданында өткен басқосулар да қазақ жырының құдіретін таныта түскені рас.
Қазақ поэзиясын түбі бір түркі елдеріне танытуда айрықша еңбек етіп келе жатқан Қазақстанның Түркиядағы елшілігі айтулы жыр мерекесіне қазақ ақындарын қатыстыру арқылы елдер мен елдерді, халықтар мен халықтарды жақындастыратын тағы да бір игі іс жасады. Еліміздің атынан жыр додасына барып қайтқан Кәдірбек Құныпияұлы мен Саят Қамшыгер дипломант атанып, түрлі сыйлықтарға ие болып, мерейлері тасып оралды.
«Егемен-ақпарат»
Соңғы жаңалықтар
Қазақстанның екі өңірінде жол жабылды
Ауа райы • Бүгін, 16:25
Астана даңғылдарының бірі 2 аптаға жартылай жабылды
Елорда • Бүгін, 15:47
Өскеменде бір ай бұрын жоғалып кеткен 19 жастағы қыздың мәйіті табылды
Қоғам • Бүгін, 15:17
Ақтау маңында ірі жол апаты болып, 7 адам ауруханаға жеткізілді
Аймақтар • Бүгін, 14:42
Алаш қозғалысы: 12 том құжаттар мен материалдар жинағы толық жарық көрді
Руханият • Бүгін, 14:03
Шайды қай кезде ішкенде зияны болмайды
Денсаулық • Бүгін, 13:32
