Елбасы Олимпиада жеңімпазын құттықтады

Мемлекет басшысы Рио-де-Жанейродағы Олимпия ойындарында бокстан алтын медаль жеңіп алған Данияр Елеусіновке құттықтау жеделхатын жолдады. «Жылдар бойы тынымсыз төгілген тер мен зор қажыр-қайраттың және үлкен шеберліктің нәтижесінде дүниежүзілік спорт додасында қол жеткізілген бұл жеңіс барша қазақстандықтарға шексіз шаттық сыйлады. Бұл жеңіс осы бәсекені тамашалаған мыңдаған жасөспірімнің спортпен айналыса бастауына, олардың шыныққан шымыр болып өсуіне және мақсатты өмір сүруіне жаңа серпін беретіні сөзсіз», – делінген жеделхатта. Қазақстан Президенті спортшыға зор денсаулық пен бақыт, жаңа жеңістер мен жетістіктер тіледі, деп хабарлады akorda.kz Айдар ӨРІСБАЕВ