Ықпалдастыққа кедергі жоқ

Астанада ҚР СІМ Қайрат Әбдірахманов Беларусь СІМ-нің бірінші орынбасары Андрей Евдоченкомен кездесті, деп хабарлайды ҚР СІМ-нің баспасөз қызметі. Тараптар бірінші кезекте екі ел басшыларының Достық және ынты­мақ­тастық туралы келісім рухында Қазақстан мен Беларусь арасындағы қа­рым-қатынастардың прогрессивті жә­не серпінді дамуындағы рөлін атап өт­ті. Сондай-ақ, кездесу барысында Қ.Әбдірахманов пен А.Евдо­чен­ко ж­оғары деңгейдегі саяси бай­ла­ныс­тардың алдағы күндерге арналған жос­парын талқылады. Өз кезегінде еліміздің Сыртқы істер министрі Беларусь тарапына Қазақстанның 2017-2018 жылдардағы БҰҰ Қауіпсіздік Кеңесіне тұрақты емес мүшелігіне сайлануына белсенді түрде қолдау көрсеткені үшін алғыс білдірді. Кездесуде 2010 жылы Қазақстанның ЕҚЫҰ-ға төрағалығы кезінде екі жақ­тың ынтымақтаса жұмыс істегені еске алынды. Кездесу барысында тараптар екі­жақ­ты ынтымақтастықтың, сондай-ақ, ай­мақтық және халықаралық ұйымдар шеңберіндегі байланыстардың басым бағыттарын талқылады. Бұған қоса, олар сауда-экономика жөніндегі үкі­мет­аралық комиссияның шеңберінде ат­қарылып жатқан жұмыстардың ма­ңыздылығына тоқталды. Әсіресе, ко­мис­сияның Қазақстан мен Беларусьтің географиялық қолайлы орналасуын ескеріп, Қытай, Еуропалық одақ және Орталық Азия елдерінің нарықтарына тауар жөнелту ісін ілгерілету жөніндегі жұмыстарына екпін берді. Олар одан әрі парламенттік дипломатияның ара­сын­дағы байланыстарды нығайту ма­ңыз­дылығын атап өтті. Өз кезегінде А.Евдоченко Президент Нұрсұлтан Назарбаев ұсынған «Әлем. ХХІ ғасыр» манифесіне Беларусь тарапы баса назар аударғанын, ядролық қауіпсіз әлем құрудағы қазақстандық бастамаларды қызу қолдайтынын же­ткізді. Сонымен қатар, Беларусь дип­ломаты өз елінің ЭКСПО-2017 көр­ме­сі­не қатысу бағытындағы дайындық жұ­мыстары жөнінде айтып берді. Кездесу соңында тараптар екі ел­дің аймақтық және жаһандық өзекті мә­­селелерді шешу бағытындағы ұст­аны­м­­дары ұқсас екенін атап өтті. Бұ­дан бөлек, олар Еуразиялық эко­но­микалық одақ аясында, сон­дай-ақ, қос мемлекеттің өзара ын­ты­мақ­та­с­ты­ғының барлық желілері бойы­нша ты­ғыз байланыстар одан әрі жал­ғаса беретінін сөз етті.