Ұлттық құндылықты ұлықтауға үндейтін мақалада руханиятты жаңғырту ісі немесе ел мәдениеті мен өнерінің ерекшеліктерін сақтау мәселелері саяси-экономикалық жаңғыртумен шектелмейтіндігі нақты айтылған.
Мемлекет басшысының мақаласынан мен еліміздің осы кезге дейінгі жүріп өткен тарихи жолы мен жетістіктер кезеңіне қатысты құндылықтарды көздің қарашығындай сақтауға шақырғанын көремін. Алайда, осы тарихымызды тереңнен танып-білу барысында берідегі жетістіктерімізді, мәдениетіміз бен өнерімізге талантты адамдары мен үздік туындыларын берген кеңестік кезеңді ұмыт қалдыруымызға болмайды. Себебі, бүгінгі керемет суретшілеріміз бен музыканттарымыз, ақындарымыз, жұртшылықтың көңілінен шыққан көптеген ғажап туындыларымыз өзінің бастауын сол кезеңнен алады.
Сондай-ақ, өнер мен мәдениет қайраткерлерінің заманауи талапқа сай дамуы, олардың суреткерлік, музыкалық, әдеби білімдері тереңдетіліп, өнер мен мәдениет саласын мемлекет тарапынан қолдаудың күшейтілуі – Қазақстанның Үшінші жаңғыруының негізі болып табылатынын қаперімізден шығармауымыз керек.
Әсия ХАЙРУЛЛИНА,
Қазақстан Республикасы Президентінің жанындағы Әйелдер істері және отбасылық демографиялық саясат жөніндегі ұлттық комиссияның мүшесі, «Әйелдердің шығармашылық бастамасы лигасы» ҚБ басқармасының төрайымы