Жүрегі жұртына бұрып тұратын, ойы сергек сценарист-режиссер студенттерді өзінің қоржынындағы кино туындыларымен таныстырып, оларды толғантқан сауалдарға жауап берді. Кездесу барысында қазіргі кино саласына қатысты ой-пайымдармен қатар, өмірлік қағидалар аясында да әңгіме өрбіді. Сондай-ақ, тарихқа көз жүгіртіп, ұлттық құндылықтарды, ұлттық болмысты сақтау жайлы, қазіргі замандағы жастар тәрбиесіне қатысты өзекті мәселелер де талқыланып, кездесу кейіпкерінен тұшымды жауап алды.
Сонымен қатар, режиссер ағайлары алдағы шығармашылық жоспарымен де бөлісіп, студенттерді өзінің «Әйгерім», «Үмітің үзілмесін» сынды төл туындыларымен таныстырды. Және де жақында экранға жол тартатын «Көкжалдар» фильмінен үзінділер көрсетті.
Тағылымды кездесу соңы мәдени шаралармен жалғасын тапты. Студенттер кездесудің мазмұнды өтіп, өздері үшін өте әсерлі болғандығын айтып, ризашылықтарын білдірді.
Алма МҰРТАЗА,
Асылай ИМАҒАМБЕТОВА
АЛМАТЫ