Күрделі жөндеудің күрмеуі шешіле ме?

Сіз не дейсіз? Газетіміздің Көкше­тауда­ғы тілшілер қосына көп қа­бат­ты үйлердің тұрғын­дары­нан арыз-шағымдар толассыз түсіп жа­тады. Қаланың қақ орта­сын­дағы Ш.Құдайбердиев көше­сін­дегі екі қабатты №67 үйге ба­рып та көрдік. Төрт пәтердің бәрінде зейнеткерлер тұрады. Олар жыл сайын ыдыс-аяқ­та­рын төбеден сор­ғалаған там­шы­ға тосып әуре. Бұл бір ғана мысал. Тұрғын үйлерді күрделі жөндеудің күр­меуі қалай шешілмек? «Егемен Қазақстанның» Ақмола облысы бойынша меншікті тілшісі Бақберген АМАЛБЕК облыстық энергетика және коммуналдық шаруашылық басқармасының бастығы Александр МАРТЫНЕНКОҒА: – Сіз бұған не дейсіз?  – Үкіметтің 2011 жылғы 30 сәуірдегі «Қа­зақ­стан Рес­публика­сындағы тұр­ғын үй-ком­му­нал­дық шаруа­шы­лықты мо­дель­ден­ді­ру­дің 2011-2020 жыл­дарға ар­нал­­ған жаңа бағдар­ла­ма­сын» жү­зеге асыру аталған мәсе­ленің қи­ын түй­індерін тарқатуға елеулі серпін беретіні анық. Біз осыған бай­ла­нысты арнайы іс-ша­ралар белгілеп отыр­мыз. Мұндағы негізгі проблема тұр­ғын үй қаты­настарын реттеуге қа­тысты. Об­лыстың жалпы тұрғын үй қоры 15 млн. шаршы метрді құраса, соның 6 миллион шаршы метрі 15160 көп қабатты, көп пәтерлі үй­лер­дің үлесінде. Бұлардың бар­лығы жекешелендірілген. Биылғы жыл басындағы мониторинг қорытындысы 1979 үй­ге күрделі жөндеу жүргізу қажет­тігін көрсетеді. Оның бол­жамды құны – 7,6 миллиард теңге. Ал 388 үй апатты жағ­дай­да жә­не бұларда тіршілік құ­рудың өзі қауіпті бол­ған­дық­тан ысырып тастау қажет. Оған жұмсалатын қаржы, алдын-ала есептеулерге қарағанда, 368 миллион теңге­ден асып жы­ғы­ла­ды. Тұрғын­дар­дың басым бө­лігі күрделі жөндеуге қатысты мәсе­лені өз бетінше шеше ал­майды. Сон­дықтан мемлекет жо­ғарыда атал­ған бағдарлама негізінде тұр­ғын үй қатынас­тары­ның жаңа моделі мен қаржы­ландырудың ар­найы ортақ механизмін құру ар­қылы көме­к­тесу ниетінде. Бұл жөнінде ақ­па­раттық-на­си­хат­тық жұ­мыстар жүргізіліп жатыр. Қанатқақты жобаға қа­тысу үшін Көкшетау қала­сын­дағы алдын-ала энергоаудиттен өткі­зіл­ген 10 көп қабатты үй ірік­теп алынды. Мұнда үйдің ша­ты­ры­нан бастап заманалық құ­ры­лыс материалдары қолда­ны­лып, ав­то­маттандырылған жылу желілері орнатылады. Былайша айт­қанда, күрделі жөндеу тұр­ғын үйлерді тиімді пайдаланумен қатар, қуат көздерін ба­рынша үнемді жұм­сау­ды көз­дейді. Бұл коммуналдық төлем­дерді арзан­дататыны түсі­нікті. Жоба қолға алынған үш ай ша­ма­сында бар­лық 10 үйдің ны­сандық кондо­миниумы тіркеуге алынды. Тұр­ғындар жина­лы­сы өткізіліп, ақау­лық актілер жа­сал­ды, жұ­мыс­ты атқарушы мердігерлік ұйымдар белгіленді. Үйді күрделі жөндеуден өт­кі­зуге қажетті мақсатты жар­на­ны қыс­қа мерзімде әрі толық кө­лем­де жинау мүмкін емес. Мемлекет төмен пайыздағы ұзақ мерзімді несиелендіру жүйесін ұсынып отыр. Ең бастысы – мү­гедектерге, зейнеткерлерге, әл­еу­меттік тұрғы­дан аз қамтылған отбасыларына арналған тұрғын үй көмегіне қо­мақты қаржы бөлінуі. Жобаның мақсаты да, артықшылығы да осы. Ақмола облысы.