Дерек пен дәйек

174 600 000 Биылғы жылдың бірінші тоқсанында облыс тұрғындарына осынша теңгенің 7302 несиесі берілген Ақмола облыстық статистика департаментінің деректері бой­ынша, бұл өткен жыл­дың сәй­кес мерзімімен салыс­тыр­ған­да 19 миллион теңгеге ар­тық. Берілген несиенің 69,1 пайызы қыс­қа мерзімді, 30,9 пайызы ұз­ақ мерзімді және оның 100,8 миллион теңгесі жеке тұлға­лар­дың, 73,8 миллион теңгесі заң­ды тұлға­лар­дың үлесінде. Жеке тұлғаларға берілген не­сие, негізінен тұтыну мақ­са­ты­на (85,5 пайыз) алынса, қалған қа­ражат кәсіпкерлік мақ­сатқа (14,5 пайыз) жұм­салған. Шағын не­сие­лердің 18,8 пайызы кепілдік мүлікпен қамтамасыз етілген. Бақберген АМАЛБЕК, Ақмола облысы.   3 115 491 Облыс өңірінде жұмыс істейтін шетелдік компаниялардың арасындағы ең ірісі болып табылатын «СНПС-Ақтөбемұнайгаз» акционерлік қоғамы биылғы жылдың алғашқы жартыжылдығында осынша тонна мұнай өндірді Бұл жоспарланғаннан 2661 тоннаға артық. Ілеспе газды игілікке айналдыруда да ілгерілеу бар. Осы кезеңде 1567118 мың текше метр газ пайдаланылды. Ал сығымдалған газ өндіру 96767 тоннаны құрады, бұл межеленгеннен 11287 тоннаға көп. Компания алты айда сырт­қы және ішкі рыноктарға 1310 миллион текше метр мұнайға ілеспе газ, 95600 тонна сығым­далған газ өткізді. Биылғы жылдың өткен алты айында мемлекет бюджетіне 120 миллиард теңгеден астам қаржы түсті. Жалпы акционерлік қоғам биыл 6180 миллион тонна мұнай өндіруді межелеп отыр. Инвестиция көлемін 600 миллион АҚШ долларына жеткізу көзделуде. Қазір компания осы биіктерді бағындыру жо­лында жұмыс қарқынын арт­ты­ра түсті. Бұл үстіміздегі жыл­дың алғашқы жартыжыл­ды­ғын­дағы өндірістік көрсеткіш­тер­ден де айқын аңғарылады. Сатыбалды СӘУІРБАЙ, Ақтөбе облысы.   22 000 Жаркенттіктер осыншама гектарға дала аруын егіп, мол өнім алуды межелеп отыр Жүгері – жаркенттіктердің мол тәжірибе жинақтап, өнім мол­шы­­лығына негіз қалаған са­ласы. Ауданда жылдан-жылға да­ла ару­ының алқабы ұлғайып, үш жыл бұрын 17 мың гектар болса, биыл 22 000 гектардан асып­ты. Жүгері алқабы жай­қа­лып, күз­де жақсы өнім алуға мүм­кін­дік бар екенін айтады мамандар. Ауыл шаруашылығында атал­ған дақылға деген сұраныс жо­ғары. Сондықтан, гектар берекелілігін арттырып, мине­рал­ды тынайтқыштармен қорек­тен­ді­руге назар аударылса, жүгері­нің қатар аралығын қопсыту, өң­деу жұмыстары қолға алын­ған. Оның сыртында минерал­ды тыңайтқышпен қоректенді­ру жұмыстары жалғасып, биыл 15-16 мың гектарға 5 мың тоннадай тыңайтқыш берілуде. Ди­қандар жүгеріні өткізуде кедергі жоқтығын айтады. Өйткені, жүгері қабылдаушылармен ал­дын-ала келісім жасалған. Да­қылдың биылғы шығысын ба­ғам­дағандар гектарынан 55 цент­нерден өнім алуды мақсат етуде. Күмісжан БАЙЖАН, Алматы облысы.