Сіз не дейсіз?

«Сыбаға» бағдарламасы қалай жүзеге асырылып жатыр? Елбасының тапсырмасы бой­ынша «Сыбаға» бағдарла­ма­­сы­ның өмірге келгені белгілі. Ет ба­ғытындағы ірі қара малын өсі­руге тікелей бағыт­талған бұл бағдарла­ма­ның ел өміріне тигізер пай­дасы орасан зор бол­мақ. Қызылорда об­лысы атал­ған бағ­дар­ла­ма­ға ен­ген аймақ­тардың біріне жа­тады. «Сы­­­баға» бағ­дар­ла­масы Сыр бой­ында қалай жүзеге асырылып жатыр? «Егемен Қазақстанның» Қызылорда облысы бойынша меншікті тілшісі Ержан БАЙТІЛЕС «Ауыл шаруашылығын қаржылай қолдау қоры» АҚ Қызылорда облыстық филиалының директоры Мәди ИБАДУЛЛАЕВҚА: – Сіз бұған не дейсіз? – Ең алдымен, аталған бағ­дар­ламаға Қызылорда облы­сы­ның соңынан енгенін ай­туға тиіспіз. Сондықтан өзге өңірлерге қарағанда біздің ай­маққа бөлінген қаржының жал­пы сомасы аздау болды. Алғашында «Сыбаға» бағдар­ламасы бойынша біздің қор тек 7,5 миллион теңгеге дейін ғана береді деген шешім шық­қан. Ал одан жоғары қаржы Аграрлық несие корпора­ция­сы арқылы берілуге тиіс бо­латын. Кейіннен ол шешім өз­гертіліп, Ауыл шаруашы­лы­ғын қаржылай қолдау қо­ры арқылы 18 миллион тең­ге­ге дей­ін беруге рұқсат етілді. Ал несиенің берілу уақыты 7 жылды құрайды. Бағдарлама бойынша Қы­зылорда облысында 18 шаруа қожалығы тиісті қолдау тап­ты. Барлығына қор арқылы 108 миллион теңге берілді. Аталған қаржыға шаруа қо­жалықтары 720 бас  сиыр мен 14 өндіруші бұқа сатып алуға тиіс. Бағдарламаның басты шарты бойынша шаруашы­лық­тар асыл тұқымды ірі қара сатып алуға тиіс еді. Кейіннен енген өзгертулерге байланыс­ты аналық сиырдың асыл тұ­қымды болуы шарт болмай қал­ды. Ал сатып алынатын бұ­­қа­лар міндетті түрде қазақ­тың ақ бас бұқасы болуы керек. Се­бебі, сиыр тұқымын ас­ыл­дан­дырып, ет бағытындағы мал басын арттыру басты міндет. Алғашқыда 7 шаруашы­лық қор арқылы 500 бас сиыр сатып алу жоспарланған еді. Нәтижесінде 562 бас ірі қара малы алынатын болды. Бұл ел арасында «Сыбаға» бағдарла­масының оң сипат алып, елдің қызығушылығын туғызғаны де­ген сөз. Бағдарламаның бас­ты ерекшелігі, пайыздық мөл­ше­рінің аздығы дер едік. Дегенмен, шаруашылықтар ал­ғаш­қы екі жылда ешқандай қар­жы қайтармайды. Ал екі жылда ша­руаны дөңгелетіп, мал ба­сын біршама арттырып алуға болады. Оның үстіне алғашқы төлдері де жетіледі. Сон­дық­тан мемлекет берген қаржыны қайтаруға да қиналмайды. Қызылорда.