Көлік және коммуникация министрі Берік Камалиев «Батыс Еуропа – Батыс Қытай» жобасын іске асыру барысымен танысу мақсатында Жамбыл облысында.
Жалпы, аталған жоба шеңберінде Жамбыл облысы аумағында 495,3 км. жолды қайта салу белгіленген. Қазіргі таңда құрылыс жұмыстары ұзақтығы 263,5 км. құрайтын алты учаскеде жүргізілуде. Онда бес мердігер компания жұмыс атқаруда. Жамбыл облысы бойынша жобаны іске асыру басталғаннан бері 38 млрд. теңге (2011 жылы 13,49 млрд.тн.) игерілді, 43,2 км. асфальт-бетон жамылғысының төменгі қабаты және 7,3 км. үстіңгі қабаты төселді, 156,8 км. цемент-бетон жамылғы салынды. Қазіргі уақытта мердігер компаниялар 7 көпірді, 4 жол өтпесі, 2 түйінді жөндеу бойынша жұмыстар жүргізуде. Сапаны бақылауды қамтамасыз ету үшін 3 технологиялық бақылаушы, жылжымалы жол лабораториясы тартылды, 6 нысанда мердігерлер стационарлы және жылжымалы лабораториялар ұйымдастырды.
Сапар барысында министр Берік Камалиев мердігерлік компаниялардың басшыларымен жиналыстар өткізді. Министр өз сөзінде жұмыс кестесін уақытылы орындау қажеттігін атап өтті.
«Егемен-ақпарат».