Қарағандыда бейнелеу өнері мұражайын су басты

Қарағандыдағы бейнелеу өнері мұражайын су басып, суреттер суда көлкіп жүр. Қордағы 50-ге жуық құнды картина бүлінді! Қарлагтың қапасында жа­тып, қылқаламымен ақи­қатты анық бедерлеген Алла Васильева сынды атақты суретшілердің бірнешеуінің майлы бояу мұралары зардап шеккен. Және бұл жағдай бірінші емес. Себебі, аталмыш мұ­ражай көп қабатты тұр­ғын үйдің бірінші қа­батында орналасқан. Му­­­­зей орналасқан үй­­ді ба­­қылаушы «MBK Kara­ganda» компа­ния­сының, сондай-ақ, төтенше жағ­дай­лар қызметі маман­дарының айтуынша, ыс­тық су құбырларының бірі жарылған. Залалдың бір ұшы көп қабатты үйдің жертөлесінде күнелтіп жатқан үйі мен күйі жоқ­тардан да келуі мүмкін. Құбырдың түбіне жылынамын деп, өзі шіріп тұрған ыстық су құбырын солар үзіп жіберген болу керек... Қазір арнайы құрылған комиссия апаттың себеп-салдарын анықтап, келті­рілген шығын көле­мін есеп­теп жатыр. Музей директоры Бибі­гүл Құдабаева мен оның орынбасары тарихшы Те­мір­ғали Аршабеков мұн­дай жағдай қайталанбау үшін мұражайды жеке ғи­ма­ратқа көшіруді сұрап отыр. – Біз әлі де болса бұл мәселе оң ше­шім та­ба­тынына сенім­діміз. Ел мұрасы, рухани құн­дылық­тарды жергілікті басшылар да, Үкімет те назардан тыс қалдырмайды деген ойдамыз, – дейді олар. Мирас АСАН, «Егемен Қазақстан» ҚАРАҒАНДЫ