Семей ертеңіне сеніммен қарайды

«Нұр Отан» партиясы Төрағасының бірінші орынбасары Семейде болды. Мұхтар Құл-Мұхаммед өңірдегі электр қуатының жаңғыруы барысымен танысты, сондай-ақ жаңа жедел жәрдем ауруханасында дәрігерлермен жүздесіп, Елбасының Қазақстан халқына Жолдауында белгіленген денсаулық сақтау саласын дамытуға бағытталған басым бағыттарын талқылады. Семей қаласындағы өзекті проблемалардың бірі – жылумен қамтамасыз ету мәселесі. Жергілікті энергетикалық ин­фрақұрылымның әбден тозығы жеткендіктен жиі бұзылып, қыс мезгілінде тұрғындарға қиыншылықтар туғызады. Президенттің тапсырмасы бойынша бұл жерде электр қуатын түбегейлі қай­та құру басталып кетті. Қала­ның солтүстік жағалауы бөлі­гіндегі тұрғын үй мен әкім­ші­лік ғи­мараттардың 10 пайы­зын жылу­мен қамтама­сыз ете­тін №1 жылу-энерге­ти­калық ор­та­­лығын жаңарту жұмыс­тары аяқталды десе де бо­лады. Жер­гілікті тұрғын­дар жаңар­тыл­ған жылу-энерге­тикалық орта­лығының іске қосылуын асыға күтуде, алайда, ол үшін әлі де миллиардтан астам тең­ге қаражат қажет. Жобаны аяғы­на дейін жеткізу үшін өңір бас­­шысы «Нұр Отан» партиясы­нан көмек сұрады. «Нұр Отан» партиясы Төрағасының бірінші орын­басары «100 мектеп, 100 ауру­ха­на» президенттік бағдар­ла­ма­­сының шеңберінде қалада жаңадан салынған медици­налық жедел жәрдем аурухана­сын­дағы сәуле ауруына шал­дыққан адамдардың мұң-мұқ­таждарына ерекше назар аударды. Семей полигонындағы яд­ролық жарылыстардың сал­дарынан аймақтағы онколо­гия ауруының деңгейі жоға­ры. Алайда, дәл осы уақыт­қа дейін мұнда заманауи диаг­ностикалық орталық болмаған еді, сондықтан да қатерлі ісік ауруына душар болғандарға басқа қалалар мен әлем елде­рінің ауруханаларына барып емделуіне тура келетін, мұны көпшіліктің қалтасы көтере бер­мейді. Заманауи медициналық жедел жәрдем ауруханасының іске қосылуына байланысты мұндай қажеттіліктің керегі болмай қалды. Алдыңғы қа­тар­лы еуропалық құрал-жабдық­тар кешенді диагностиканы жасауға және ең алғашқы кезең­дегі сәуле ауруының белгі­лерін анықтауға мүмкіндік береді, бұл өз кезегінде, емнің тиімділігін арттыра түседі. Тек қана ауруханалардың техникалық жабдықталуына мемлекет 2,5 миллиардтан ас­там теңге салды, ал жобаның жалпы құны 10 миллиард теңгеден асады. Жыл сайын медициналық жедел жәрдем ауруханасы 30 мыңнан астам адамды қабылдай алады. Семейдегі дәрігерлермен әңгімелесу кезінде Мұхтар Құл-Мұхаммед Президент жария еткен «Үшінші жаң­ғы­ру­дың» бүкіл Қазақстанды қамти­тынын және денсаулық сақтау саласының да одан тыс қал­майтынын атап өтті. «Мем­лекет басшысының Жол­дауында әлеуметтік мәселе­лерге, оның ішінде денсаулық сақтау саласына айрықша көңіл бөлінген. Елімізде 1 шіл­де­ден бастап жалпы әлемдік тәжірибенің тиімділігіне негіз­делген міндетті медициналық сақтандыру жүйесі енгізіледі. Біз бұған дайын болып, ме­дициналық қызмет көрсету саласының аясын мейлінше кеңейтуіміз қажет», – деді «Нұр Отан» партиясы Төрағасының бірінші орынбасары. Өңірдің медицина қыз­меткерлері Мұхтар Құл-Мұ­­хаммедке Елбасының Қа­зақ­стан халқына Жолдауымен мұ­қият танысып шыққандарын айтып, Мемлекет басшысы бел­­гілеп бер­ген ел дамуы­ның ба­ғытын толық қолдай­тын­дарын жет­кізді. Раушан НҰҒМАНБЕКОВА СЕМЕЙ