Тиісті шешімдер мен ұсынымдар қабылданды

Кеше Қазақстан Республикасы Жоғары Сот Кеңесінің төрағасы А.Смолиннің басшылығымен Қазақстан Республикасы Жоғары Сот Кеңесінің отырысы өткізілді, деп хабарлады Қазақстан Республикасы Жоғары Сот Кеңесінің аппараты. Отырысқа Заңгерлер ода­ғы­ның, сондай-ақ, Жо­ғарғы сот жа­нындағы Сот төрелігі ака­­де­­мия­­сының өкілдері қа­тысты. Отырыста сот жүйесінің ұйым­дастыру-кадр мәсе­ле­лері, оның ішінде Жоғарғы сот Төрағасының кейбір судья­лар­ды қызметінен босату және судья­­ның қызметте болу мерзі­мін ұзарту жөніндегі ұсы­ным­дары қаралды. Соны­мен бірге, судья­лардың ауысуы мен судьялардың сапалық құра­мы туралы мәселелер, судья лауазымына біліктілік ем­­ти­­­ханының сұрақтары бекі­тілді. Бұдан басқа, отырыста аудандық және оған теңес­тірілген соттардың төрағалары мен судьяларының, облыстық және оған теңестірілген сот­тар­дың судьяларының бос орындарына орналасуға жа­рия­­ланған конкурстың қо­ры­­тын­дылары шығарылды. Отырыстың қорытындысы бойынша Кеңес тиісті ше­шім­дер мен ұсынымдар қабыл­дады.