2016 жылы КПО-да газды қолдану деңгейі 99,84%-ды құрады

2016 жылы «Қарашығанақ Петролиум Оперейтинг Б.В.» 139,7 миллион баррель мұнай баламасында тұрақты және тұрақты емес сұйық көмірсутегі, тазартылмаған газ және отын газын өндірді. Бұл туралы КПО баспасөз қызметі хабарлады. Пласттық қысымды қолдау үшін газды кері айдау көлемі 8,04 миллиард текше метрді құрады, бұл шамамен өндірілген газдың жалпы көлемінің 46%-ына сәйкес келеді. КПО бас директоры Ренато Мароли атап өткендей, ҚР-да ірі инвестициялық жобалардың бірі болып табылатын Қарашығанақ жобасының Батыс Қазақстан және тұтастай барша ел экономикасы үшін бірінші дәрежелі мәні бар. Бүгінде Қарашығанақты игеруге КПО бойынша әріптестер 22 миллиард АҚШ долларын инвестициялады. Қарашығанақ Қазақстандағы кен орындарын пайдалану тұрғысынан ірі және күрделілердің бірі болып табылады. Қазіргі уақытта Қарашығанақ кен орнында 119 өндіретін, 17 айдау ұңғымалары пайдалануда, жалпы қорда 412 ұңғыма бар. 2016 жылғы 13 мамырда КПО компания тарихында маңызды меже қоятын ауқымды жоспарлы-алдын алу жөндеу жұмыстарын аяқтады. Жөндеу компанияға өндірістің жылдық деңгейін едәуір арттыруға мүмкіндік берді. Дайындық және негізгі жұмыстарға барлығы 3300-ге жуық жұмысшы жұмылдырылды. 2016 жылы КПО-да газды қолдану деңгейі 99,84%-ды құрады, бұл әлемдік сынып көрсеткіші болып табылады.