Кешенді аттестаттаудың 1-ші деңгейі аяқталды

Мемлекеттік қызметшілерді аттестаттау аясында айқындалған жайттар туралы брифингте Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары Айгүл Шайымова айтып берді. Қазақстан Республикасы Пре­зи­ден­ті жанындағы Жоғары аттес­тат­тау комиссиясы (ЖАК) өз жұмы­сын аяқтады. Әңгімелесу барысын­да ЖАК мүшелері «Б» корпусы мем­ле­кет­тік қызмет­шілерінің басқарушы буын­дары­ның білім деңгейін, дағдыларын және ептіліктерін тексерді. Орта­лық мемлекеттік органдар дең­гейіндегі мемлекеттік қыз­мет­шілерде «қызметті тұты­нушы» жә­не «шешімдер қабыл­дау» құзыреттері ай­рықша дамы­ған­дығы назарға ілікті. Бас­қаша айт­қанда, министрліктер қызмет­­керлері жағ­дай­ларды жан-жақ­ты бағалап, азамат­тардың қа­жет­тіліктері мен қы­зығу­­шы­­лықтарына байланысты оңтай­лы шешімдер қабылдай ала­тын­дықтарымен ерекшеленді, деді А.Шайымова. Тестілеудің қорытындылары аттес­таттау комиссияның алдына келіп түседі. Әңгімелесу барысында ЖАК мүше­лері қосымша кәсіби қызметі құзыреті бойынша сұрақтарды қояды. Жо­ғары аттестаттау комиссиясы жұ­мы­сының қорытындылары бойын­ша агенттіктің «Б» кор­пусы бас­­қару құра­мын мұ­қият са­рап­тау­дан өткізді. Қо­ры­­­тын­ды­лар нәтижесінде аумақ­тық және орталық аппарат қызмет­кер­­­лер арасында әлсіздері ай­қын­­далды, деп жалғады сөзін А.Ша­йы­мова. Мемлекеттік қызмет істері және сы­байлас жемқорлыққа қар­сы күрес агент­тігі төрағасының орынбасары Айгүл Шайымова брифингте, сондай-ақ, қазіргі таң­да мемлекеттік қызметшілерді кешен­ді аттестаттаудың 1-ші дең­гейін аяқ­тал­ғанын мәлімдеді. Мемлекеттік қыз­­мет­шілерді ке­шен­ді аттестаттау Қазақ­станда 3 кезең­мен, 3 деңгейде өткізіледі. Жоғары аттестаттау ко­мис­сиясы (ЖАК) – Прези­дент жанын­да құрылған аттестат­тау­дың 1-деңгейдегі комиссия­сы. Оның құрамына Прези­дент Әкім­шілігінің Басшысы, Пре­мьер-Министр Кеңсесінің басшысы, Парламент палаталарының депу­таттары, сондай-ақ басқа да лауазымды тұлғалар кірді. Комиссияда академиялық орта мен қоғамдық бір­лес­­тік­­- тердің өкілдері де болды. Олар Мем­лекеттік басқару ака­де­мия­сының ректоры, Қазақ­стан­ның HR-менеджерлері ассо­циа­ция­сының төрағасы, қоғам­дық кеңес­тердің мүшелері. Сөй­тіп, бұл жұмыста билік өкілдері­нің ғана емес, сондай-ақ қоғам­ның пікірі де назарға алынды. А.Шайымова айтып өткен­дей, ЖАК-та «Б» кор­пусының бас­­­қа­­рушы деңгейіндегі 1139 мем­лекеттік қызметші әңгіме­лесу­ден өтті. Олардың ішінде: Прези­дент Әкімшілігі, Премьер-Министр Кеңсесі, Сенат және Мә­жіліс аппараттары, Жоғар­ғы сот қызметшілері; министр­­ліктер ко­ми­теттерінің төраға орын­­ба­сар­лары мен депар­тамент­тер ди­рек­торлары; облыс­тық басқар­малар мен аумақ­тық депар­та­менттердің жетек­ші­лері; об­лыс әкімдері аппараты жетек­шілерінің орынбасар­лары мен об­­лыстық және Ас­тана, Алматы қа­ла­ларының мәс­ли­хаттары ап­па­рат­тарының жетекшілері бар. А.Шайымова олармен әңгі­мелесуде аттес­тат­таушы­лардың білімі, іскерлігі мен дағдылары тексерілгенін айтты. Спикер атап өткендей, процес­тің объективтілігі үшін әңгіме­ле­судің барысы аудио- және бейнежазбаларымен сүйемелденді. Нәти­жесінде, 973 (85%) қызмет­шіге қатысты атқарып жүрген лауазымдарына сәйкес екендігі ту­ралы шешім қабылданып, 130-ы (11%) жо­ға­ры­латуға, 36-сы (3%) төмен­детуге ұсынылған. Агенттік төрағасының орын­ба­­сары аталған мәліметтер аттес­­таттаудың басты нәтижесі емес екендігіне назар аударды. Ат­тес­­таттаудың басты мінде­ті «Б» кор­пусы мемлекеттік қыз­мет­шілерінің кәсіби дайындығының деңгейін және лауазымдарына сәйкестігін анықтау болып табылады. А.Шайымованың айтуынша, жоғарылатуға ұсынылған қыз­метшілер тек қана сәйкес құзы­реттерінің болуымен шектелмей, бұған қоса, айқын танылатын әлеуеті бар жаңа көзқарасты басшылар екенін көрсеткен. Олар мемлекеттік орган қызметінің тиімділігін арттыру үшін не қажет және оған қалай жету керек екенін нақты біледі. Сонымен қатар, ол әңгімелесу барысында басшылардың кейбірі мемлекеттің негізгі бағ­дар­ламалық құжаттарының маңызы мен мазмұнын толық деңгейде біл­мейтіндігі анықталғанын көл­­денең тартты. Бұлар өз қыз­метін­де жоғары тұрған мем­лекет­тік орган және лауазымды тұлға­лардың тапсырмаларын орын­дау­мен шектелетін және өздері жү­зеге асыратын жұмыс­тың мем­лекеттің жалпы страте­гиялық мақ­саттарымен ара қаты­насын түсін­бейтін қызметшілер екенін айтты. Сәйкесінше оларға қатысты лауазымына сай еместігі және төмендетуге ұсыну туралы шешім шығарылған. Бұған қоса, А. Шайымова брифингте кәсіби мемлекеттік аппаратты қалыптастыру мәселесіне назар аударды. «Егемен-ақпарат»