Әңгіме арқауы – жүн өңдеу кластері

Қазақ ұлттық аграрлық университетінде ауыл ша­руа­шылығы саласын тұрақ­ты дамытудың маңызды мә­се­лелері қашанда күн тәр­тібіне өткір қойылып келеді. Таяуда университеттегі Қа­зақ-жапон инновациялық ғы­лыми орталығында жа­пон­дардың бір топ ға­лым­дары болды. Бұл басқосуға сонымен қатар тікелей мал шаруашылығымен айналы­са­тын өндіріс, фермерлік, қосалқы шаруашы­лық­тар­дың жетекшілері мен бас­шы­лары және ғалымдар қа­ты­насты. Әңгіме барысында елімізде заманауи жүн өң­деу кластерін жүзеге асыру жолдары кеңінен талқы та­разысына түсті. Уни­верситеттің ғылым және халықаралық байла­ныс­тар жөніндегі про­рек­то­ры Шо­қан Әлпейісов баға­лы ши­кізаттың қайнар көзі болып отырған жүннің ұш­ан-теңіз пайдасы жай­лы жан-жақ­ты әңгіме­ле­ді. Бұ­дан кейін сөз алған Қазақ-жапон іскерлік және гума­ни­тарлық «Pro­gress» бір­­лес­тік ассоциа­ция­сы бас­қар­ма­сының төрағасы Хоригоме Кеиичи, осы ассоциация басқармасының мү­ше­сі Кавада Тадаси, «TOWA» ком­паниясының президенті Сато Кеиичилердің көтері­ліп отыр­ған мәселе төңіре­гінде айтқан ой-пікірлерінің құн­ды­­лығы назар аударар­лықтай. «Қазақстан Респуб­ли­ка­сы Пре­зидентінің «Қазақ­стан–2030» бағдарламасын қол­дау» қоғамдық қорының пре­зиденті Ерболат Қасы­мов, «Ақсеңгір-Агро-МТС» фермерлік шаруашылықтар бірлестігі» ЖШС бақы­лау кеңесінің төрағасы, құ­рыл­тайшы Әлімбек Әбиі­ров­тер де жүн кластерін жасаудың уақыт талабына сай келетін тиімді жақ­тарына баса тоқталды. Осы жиында Қазақ­стан­да жүн өнімдерін өз мәнінде пайдаланудың құлдырап кет­кендігі кеңінен сөз бол­ды. Ал қазақ-жапон арасын­да­ғы қарым-қатынас пен бай­ла­ныс арасындағы өзара келісім мен меморандум Ал­ма­ты, Қарағанды, Талды­қор­ған, Шымкент аймақ­тарын­дағы орталықтардан жүн өңдейтін зауыттар ашуды көз­дейді. Сонда әр зауытта кем дегенде 300-ге жуық адам жұмыспен қамтылмақ. Қанат ТӘКЕБАЕВ, университет баспасөз қызметі орталығының өкілі. Алматы.