Университет кәсіпкерлерді қолдайды

Облыс орталығында елімізде алғашқы болып өңірлік кәсіпкерлікті қолдау орта­лығы ашылды. Бұл орталық еліміздегі «Даму» кәсіпкерлікті дамыту қоры акционерлік қоғамы мен Сұлтанмахмұт Тора­й­­ғыров атындағы мемлекеттік универ­си­тет­тің бастамасымен оқу орнындағы ғы­лыми-технологиялық парк аясында құ­рыл­ды. Осы бастама арқылы акционерлік қоғам мен университет арасындағы әріп­тестік байланыс жөніндегі меморандумға қол қойылды. Қоғамның басқарма төр­аға­сы Болат Мұқышевтың айтуынша, оқу орны жанынан ашылып отырған бұл ор­талық өңірдің кәсіпкерлеріне жан-жақты көмек көрсете алады. Жалпы, бүгінгі күн­дері «Даму» қоры «Кәсіпкерлікті қол­дау орталықтарын құру» атты бағда­рла­масын тыңғылықты түрде осылай жүзеге асы­рып келеді. Яғни, осы қор көмегі ар­қылы елімізде халықаралық, өңірлік және ау­дан­дық деңгейдегі кәсіпкерлікті қолдау орталықтарын құру көзделген. Жалпы, «Даму» қоры мұндай орталықтарды құру туралы шешімді еліміздің барлық өңір­ле­рінде өткен жылдан бері қолға ала бас­та­ған екен. Ондағы мақсат – кәсіпкерлерге кешенді түрде ақпараттық және консалтингтік қызмет көрсету, сонымен қатар, тұр­ғын­дардың кәсіпкерлік белсенділігін арт­тыруға, өңірлік кәсіпкерліктің дамуы­на ықпал ету болып табылады. Ал, «Биз­нес-Кеңесші» бағдарламасының шеңбе­рін­де жүргізілген маркетингтік зерттеу ба­ры­сын­да респонденттердің 94,5 пай­ыздан астамы кәсіпкерлікті қолдау орта­лық­тары қажет, олардың қызметі өте үлкен сұ­ра­нысқа ие болады деген пікір айтқан екен. Кәсіпкерлікті қолдау шең­бе­рінде мысалы, бизнесті құру және жұмыс істеп тұрған бизнесті оңтайлы жүргізу бойынша, қар­жылық және заңгерлік ке­ңес, сыртқы на­рықта бизнес жүргізу мен дамыту бой­ын­ша ұсыныстар мен кеңес бере алады. Мар­кетингтік зерттеулер жүр­гізеді, жұ­мыс істеп жүрген кәсіп­кер­лер мен бизнес құруға талпынып отырған жандардың біліктілігін арттыруға бағыт­тал­ған оқыту курс­тарын, тренингтер мен семинарлар ұйымдас­­ты­рады. Қазіргі таң­да елімізде жұ­мыс істеп жүрген және өз ісін жаңадан бастаған кәсіпкерлер тара­пы­нан ақпарат­тық-кеңе­с­т­ік және оқыту қызметтеріне деген сұра­ныс өте жоғары екені байқа­ла­ды. Ал, еліміздегі кәсіп­кер­лікке қаржылай емес қол­дау көрсететін құрылымдар (КҚО, бизнес-орталықтар, технопарк, бизнес-инкубатор, бизнес-қау­ымдастықтар т.б.) ақылы негізде жұмыс істейді. Көп ретте олар жекелеген қызмет түрлерін ғана ұсынады, бірегей стандарт қалыптаспаған және көрсе­ті­летін қызмет сапасы да әрқилы. Оның үстіне қызмет төлемақысы кәсіпкерлер мен өз ісін ашу­ға ынталы тұрғындардың көп­шілігі үшін қолжетімді емес. Сон­дық­тан «Даму» қо­рының бас­қар­ма төрағасы Болат Мұ­қы­шев атап өт­кендей, кәсіп­кер­лікті қолдау орталықта­ры­ның көмегімен бизнес-білігін арттыр­ған кәсіпкерлер мен тұрғын­дар­дың одан әрі қордың қаржылық бағ­дар­ламалары шеңберінде қаржылай қол­­дауға да ие болу мүмкіндігі бар. Қор мұн­дағы негізгі на­зар­ды өңірлік кәсіпкер­ліктің дамуына ауда­ра­ды, – дейді Болат  Мұқышев. Кә­сіпкер­лік­ті қаржылай емес құралдармен қолдаудың инфрақұрылымы бизнесті жүр­­гізу процесін жеңілдетуде (бух­гал­тер­лік есеп жүргізу, заң тұр­ғы­сындағы кеңес беру, ақ­параттық технологиялармен жұмыс тәрізді көмек шара­ла­ры арқылы) ғана емес, со­ны­мен қатар, кә­сіп­­керлік қызметтің сапасы мен тиімділігін арттыруда да (оқыту, білікті кеңес беру ар­қылы) маңызы зор. Мұн­дай ин­фра­құ­ры­лым­ды дамыту кәсіпкерлер мен мемлекеттік органдар арасында өзара тиімді бай­ла­нысты қалыптастыруға да жол ашады. Фарида БЫҚАЙ, Павлодар.