Астаналық Ішкі істер департаментінің қызметтік автокөліктерінің саны Қазақстанда құрастырылған 94 көлікке толықты. Автокөліктер сигналды-дауыс зорайтқыш құрылғылармен, радиостанциялармен, бейне тіркегіш және басқа да заманауи техникалық талаптарға сай құралдармен жабдықталған.
Жаңа автокөліктер жол-патрульдік полиция полкіне, учаскелік полиция инспекторларына, Жергілікті полиция қызметінің кинологиялық взводына, аудандық басқармалар мен әкімшілік полицияның кезекші бөлімдеріне пайдалануға берілді.
Бұл аталған бөліністер қызметінің жеделдігін арттыруға және елордадағы қоғамдық тәртіпті қамтамасыз етуге септігін тигізеді.
«Жол қауіпсіздігін қорғау мақсатында полицейлер сүйемелдеуді қамтамасыз етіп, ЭКСПО халықаралық көрмесіне келген мектеп оқушыларына, басқа аймақтардан келушілерге және шетелдік туристерге қала аумағына бейімделуіне көмек көрсетеді», - делінген таратылған хабарламада.
