Кәсіпкерлікке қолдау

Жақында Өскемен қала­сын­да «Нұр Отан» халықтық-де­мократиялық партиясының белсенділері шағын және орта кә­сіпкерлікті қолдау жөніндегі жа­ңа бағдарламаның тұсаукесерін жасады. Партияның иннова­ция­лық комитеті төрағасының ор­ынбасары Рүстем Ақбердин жи­ынды ашып тұрып, былай деді: – Кенді Алтайдағы ірі өн­ді­ріс орындарының ел экономи­ка­сын арттырудағы үлесі ерекше зор. Ендеше өнеркәсіп орын­да­ры шо­ғырланған аймақта партия белсенділері шағын және орта кәсіп­керлікті одан әрі дамыту жөнінде бастама көтеріп отыр. Алайда, өнер­кәсібі дамыған өңір­лерде атал­мыш бағдарлама саябырсып қал­ған. Сондықтан да, «Нұр Отан» партиясы шағын және орта кәсіпкерлікті одан әрі қар­қынды жүргізу үшін осында келіп отыр. – Өңірдегі «Қазцинк», «Қа­зақ­мыс» алыптарының шағын және орта кәсіпкерлікті дамы­ту­ға үлес қосып отырғаны белгілі. Мәселен, «Қазцинк» жауапкершілігі шектеулі серіктестік осы­дан жеті жыл бұрын «Пицца блюз сервис» шағын кәсіпорны­мен ынтымақтаса бірлесіп жұ­мыс істей бастапты. Кәсіпорын­дағы жұмысшыларға дәрігерлік білікті емдеу қызметі көрсетіле бастаған. Қазір «Пицца блюз» ауыл­шаруашылық тауар өндіруші­ле­рі­мен келісімге отырып, жергілікті кәсіпкерлерден тағамдар­дың 90 пайызын сатып алып жа­тыр. Сондай-ақ, «Қазцинк» кә­сіпорны жергілікті мәшине жа­саушылармен келісімге келіп шах­таларда жұмыс істейтін жаб­дықтар мен қондырғыларды да сатып алуда. Екі жаққа да тиімді, жергілікті кәсіпорындар өз өнімдерін сатып, пайда тапса, «Қазцинк» алыс жақтан қажетті заттарды іздеп жатпай өз өн­ім­де­рін пайдалануда. Тамаша дәстүр! Рүстем Ақбердиннің пайым­дау­ынша, «Нұр Отан» партия­сы­ның шағын және орта кәсіп­керлікті қолдау жөніндегі баста­масын ірі кәсіпорындар қолдап отырса, ел экономикасы алға қарыштап жасай бермек. Бұл орайда, «Қазақмыс» ком­паниясы да жақсы істердің бас­тамашысы болып келеді. Олар кәсіпкерлерге үндеу тастап, олар­дың өнімдерін барынша кө­бірек сатып алуға ұсыныс жа­сады, тек олар сапалы болсын. Форум барысында кемшіліктер жағына да тоқтала кетті. Мәселен, шағын және орта кә­сіпкерлікті одан әрі дамыту жө­ніндегі қаншама бағдарламалар аяқсыз қалып жатыр. Бір ғана мысал. Мәселен, «Бизнестің жол картасы-2020» бағдар­ла­ма­сы бойынша мемлекет тарапы­нан қолдауға ие болған жүзден астам кәсіпорындардың ішінде тек 12-сі ғана шағын кәсіп­кер­лік­тің үлесіне тиесілі. Оның бас­ты себебі, кепілдікке салатын дүние­лердің тапшылығы болса керек. «Нұр Отан» ХДП Орталық аппараты жетекшісінің орынба­са­ры Расул Оразғалиев өз сө­зінде жаңа бағдарламаның жергілікті тауар өндірушілерге көп мүм­кіндік беретініне тоқтала кетті. – Елбасы, Ұлт көшбасшысы Н.Назарбаев жақсы дамыған мем­лекеттер қатарына қосылу жө­нінде нақты тапсырма бергені белгілі. Ал ол үшін өндірісті да­мы­тумен бірге, шағын және орта кәсіпкерлікті де алға батыл жы­л­жыту керек. «Нұр Отан» пар­­тия­сы шағын және орта кә­сіпкер­лік­ті еліміздегі ірі өндіріс ошақ­та­ры­мен бірлесіп алға жыл­жытуды көздеп отыр, – деді Р. Оразғалиев. – Егер аталмыш бағдарлама қабылданып, жұмыс істей бастаса шағын кәсіпкерлікті қолдап қана қоймай, оларға жан-жақты көмек көрсетуге әзірміз, –деді «Қазцинк» ЖШС вице-президенті Андрей Лазарев. Оңдасын ЕЛУБАЙ.