Қандастарымыз БҰҰ-да қызмет етеді

Беделді халықаралық ұйымдарда қызмет ету арқылы еліміздің атын шығарып жүрген қазақстандықтар аз емес. Солардың бірі – Ғалымжан Кирбасов. Ол БҰҰ-да жұмыс істейтін санаулы қазақтың бірі. 

Егемен Қазақстан
09.01.2018 2297

– Ғалымжан, Біріккен Ұлттар Ұй­ымы қарапайым қазақ баласы үшін бағындырмас белес секілді. Ал әлемге әйгілі Ұйымда қыз­мет ету мүмкіндігіне қалай ие бол­ды­ңыз?

– Жалпы, БҰҰ-ға жұмысқа ша­қыру туралы ақпарат өте көп. Ұй­ым өзінің сайтында бос орындарға бай­­қау жариялап тұрады. Онда жұ­мыс­қа алу тәртібі қалай жүретіні жайлы мәліметтің бәрі ескерілген. Бірақ бос орындар жөніндегі ақпаратты бы­лайғы жұрт көп біле бермейді. Өйт­кені Қазақстанда БҰҰ-дағы бос орын­дарға қатысты ақпарат тым аз. АҚШ-та оқып жүргенде біздің уни­верситеттің студенттері БҰҰ-ға тә­жі­ри­беден өтуге барып тұратын. Ол жақ­тан түрлі саладағы сарапшылар мен мамандар келіп, лекция оқитын. Қо­ғамдық шараларға қатысып, өзара ты­ғыз әріптестік орнатқан. Соның нә­ти­жесінде студенттер БҰҰ-ға жұ­мыс­­қа орналасуға мүмкіндік алатын.

Білімімді ұштау мақсатында АҚШ-қа магистрлік білім алуға аттан­дым. Кейінірек докторантурада оқып жүргенімде БҰҰ-да өндірістік тә­жірибеден өтудің сәті түсті. Ұйым­ның бас ғимаратында жаңадан құры­лған «БҰҰ-ның бейбітшілікті қол­дау миссиясы жөніндегі жоғары дең­гейлі тәуелсіз панелінде» бірнеше ай өндірістік тәжірибеден өттім. Панельдің міндеті – Бейбітшілікті қолдау жөніндегі департаменттің жұмыс тәртібін, жоспарын жақсарту және реформа ұсыну. Осы кеңсенің хат­шылығында жұмыс істедім. Өнді­ріс­тік тәжірибе мен үшін БҰҰ-ға қарай ашылған жол болды. Уа­қыт­ша жұ­мыс істеп жүргенде басшы­лар тара­пы менің еңбегімді жоға­ры бағалап, Ұйым­да жұмысқа қа­луға ұсыныс жасады. Айта кетер­лік мәселе, БҰҰ-да білімге де аса мән береді. Егер танымал жоғары оқу орнын аяқтап, жүргізген зерттеулеріңіз көп болса, мұнда жұмысқа тұру мүм­кін­дігі мол.

– Әр жұмыстың өзіндік ауыр­тпа­лығы болатыны белгі­лі. Ал­ғаш­қы кезде қандай қиын­дық­тар кез­десті?

– БҰҰ-ның шиеленісті елдердегі миссиясы әрдайым қауіп-қатерге толы. Ол жақтағы жұмыс штаб-пәтердегі жұмыстан әлдеқайда өзгеше. Мәселен, Сомалиде жағдай тұрақсыз. Біздің міндетке елде саяси институттарды қайта қалпына келтіру, заң жүйелерін қалыптастыру, түрлі деңгейде көмек көрсету секілді жұмыстар кірді. Бұлардың өзіндік қиыншылықтары бар. Сомалиде бірқатар қиыншылықтар кездесті. Елде әлі күнге дейін тыныштық ор­намаған. Террористік топтардың ық­палы бар. Кедейшілік, жоқшылық жайлаған. Әйтсе де БҰҰ-ның қолдау­ымен Африкалық одақтың сарбаздары «Әл-Шабаб» деп аталатын лаңкестік ұйымның тамырына балта шабуға үлес қосты. Ондағы жағдай қауіпті болғандықтан, БҰҰ офисі аумағынан сыртқа себепсіз шығуға рұқсат жоқ. Жұмыс бабымен ғана шығуға болады. Оның өзінде арнайы оққағарлар бірге ілесіп жүреді.

– Қазір БҰҰ-да қандай жұмыс істейсіз?

– БҰҰ-да тәжірибеден өткен соң, Нью-Йорктегі Колумбия уни­вер­си­те­тінде дәріс оқыдым. Әрі док­торлық бі­лімімді жетілдіре түс­тім. Кейінірек жеке консультация­мен айналыстым. Екі-үш жыл бұрын БҰҰ-дан Сомалидегі миссияға және Ұйымның штаб-пәтеріне жұмысқа шақырды. Екі қызметтің арасында таңдау жасау керек болды. Тәжірибеден өткен кездегі әріптестеріммен ақылдаса келе, Сомали миссиясын жөн деп таптым. Сөйтіп артынып-тартынып Африкаға аттанып кеттік. Миссияның мақсаты Сомалидегі түрлі саяси инс­титуттардың құрылуына көмек көр­сету болатын. Біз ел орталығы Мо­га­дишодағы кеңседе жұмыс істедік.

Таяуда Сомалидегі миссиядағы жұмысты аяқтадым. Қазіргі таңда БҰҰ-ның Женевадағы кеңсесінде Си­рия жөніндегі арнайы өкілеттігіне жұ­мысқа орналастым. Алдағы уа­қытта Сирия жөніндегі арнайы ел­ші Стефан де Мистураның кең­се­сін­де саяси істер жөніндегі сарап­шы­лық жұмысымды бастаймын.

– БҰҰ-ға жұмысқа орналасу процесі қалай жүреді?

– БҰҰ құрамындағы әр ұйымның жұ­мысқа алу процесі бөлек. Мәселен, қыз­меткер таңдауда ЮНИСЕФ-те бөлек, БҰҰ Даму бағдарламасы өз­геше бағыт ұстанады. Дегенмен жалпыға ортақ пункттер бар. Ең әуелі жұмысқа тұру үшін интернет арқылы құжаттарды жіберу керек. БҰҰ-ның бос орындарға арналған ар­найы веб-сайты бар. Сонда бүкіл ке­ректі ақпарат жазылған. Кез келген адам өзінің түйіндемесін толтырып, жұ­мысқа ұсыныс жібере алады. Бұл – қи­ын шаруа емес, бірақ түйіндеме то­лтыру кезінде мұқият болған жөн. БҰҰ-ға әлемнің түкпір-түкпірінен өті­ніш келіп түсетіндіктен, бір орын­ға мыңдаған үміткер таласуы мүмкін.

Іріктеуден сүрінбей өткен үміт­керлер келесі кезеңде емтихан тап­сырады. Бұдан жақсы нәтиже көр­сет­к­ендер тағы бір мәрте сынақ тапсырады. Емтиханда ұсыныс жіберген жұмысқа тікелей қатысты сұрақтар болады. Бұл сынақ өте қиын әрі көп оқып, жан-жақты ақпарат жинауды талап етеді. Соңғы кезеңде жоғары балл жинағандарды бетпе-бет сұхбатқа шақырады. Қазіргі таңда әңгімелесу барысы жаңа заманға лайықталып, интернет, скайп, телефон арқылы жүргізіледі. Сұхбат барысында кәсіби деңгейді, топ­пен жұмыс істеуді тексеретін сауал­дар қойылады. Ақыры осы бес кезеңді саралай отырып, ең үздігін жұмысқа қабылдайды. Жалпы, БҰҰ-ның негізгі тілі алтау болғанымен, ағылшынша не французша білу міндетті. Жұмыс ерекшелігіне байланысты да тіл білу талабы өзгеріп отырады. Мәселен, араб тілі басым елдерде арабша міндетті тіл саналады.

– Қазіргі кезде БҰҰ-да, оның бас штабында қанша қазақ жұмыс істейді?

– БҰҰ-ның бүкіл бөлімдерінде қанша қазақ қызмет ететінін дөп басып айту қиын. Бірақ Нью-Йорктегі штаб-пәтерінде оншақты қазақ бар. Сомалидегі әріптестерімнің айтуынша, БҰҰ-да жұмыс істейтін қазақстандықтардың саны аз көрінеді. Мұның бір себебі – елімізде БҰҰ-ға жұмысқа тұру жөніндегі ақпарат аз. БҰҰ халықпен жұмыс істеуге ынталы. Алда-жалда біздегі университеттер, оқу орындары Қазақстандағы БҰҰ кеңсесімен тығыз әріптестік орнатса, онда жұмыс істейтін қазақтар саны көбейер еді.

– Әңгімеңізге рахмет.

Әңгімелескен

Абай АСАНКЕЛДІҰЛЫ,
«Егемен Қазақстан»

СОҢҒЫ ЖАҢАЛЫҚТАР

21.05.2018

Лионель Месси «Алтын бутса» сыйлығын бесінші рет жеңіп алды

21.05.2018

Қазақстан мен Халықаралық ҚҚДБ арасындағы Қарыз туралы келісім туралы заң жобасы қаралды

21.05.2018

Қ. Тоқаев Толеранттық және бейбітшілік жөніндегі жаһандық кеңестің басшысымен кездесті

21.05.2018

Шымкент-2 жаңа теміржол вокзалы салынады

21.05.2018

Елбасы Өзбекстан Республикасының Президентімен телефон арқылы сөйлесті

21.05.2018

ОҚО-да Нобель сыйлығы лауретының қатысуымен ғылыми-практикалық дөңгелек үстел өтті

21.05.2018

Қазақстанның аграрлық ғылымының дамуына арналған баспасөз конференциясы өтті

21.05.2018

Филиппо Оноранти: Алқалы жиынның алар орны да ерекше

21.05.2018

Ханс-Пол Бюркнер: Мұнай мен газ ғана емес, басқа салалардың да дамуы керек

21.05.2018

Мырзакелді Кемел: Болашаққа бағдарланған форум

21.05.2018

«Нұр Отан» Атырау мен Павлодарда ІТ-мамандарын дайындатын ІТ-орталықтар ашты

21.05.2018

Бурабай ұлттық паркіне арналған «A day in Burabay» бірегей фотоальбомы жарық көрді

21.05.2018

Алматыда 5 жасар бала менингиттен көз жұмды

21.05.2018

Мекен-жай анықтамасын Telegram-бот арқылы алуға болады

21.05.2018

Нұрлан Ноғаев: Бизнес субъектілеріне мемлекеттің қолдауы аймақтың экспорттық әлеуетін арттыруға септігін тигізеді

21.05.2018

Алматылық педагогтар СДУ-да бас қосты

21.05.2018

Қазақстанда тұңғыш рет көз іші қатерлі ісігіне шалдыққан балаларға СИАХТ отасы жасалады

21.05.2018

Самал Еслямова: Біз бұл кинокартинаны түсіру үшін 7 жылымызды сарп еттік

21.05.2018

Жезқазған қаласының әкімі өз еркімен қызметінен кетті

21.05.2018

Айдос Қыдырма ҚР Премьер-Министрінің баспасөз хатшысы қызметінен кетті

ТАҒЫ ЖҮКТЕУ
КОЛУМНИСТЕР

Қамбар Ахмет,

Каспий мен Қара теңіздерді жалғау кімге тиімді?

Мамырдың екінші онкүндігінде ақпарат һәм саясат алаңында қызу тал­қыланған тақырыптың бірі – Қазақ­стан Президенті Нұрсұлтан Назарбаевтың Каспий мен Қара теңіздің арасын жал­ғайтын «Еуразия» каналын салу жөніндегі пікірі болды. 

Жұмабай ШАШТАЙҰЛЫ, «Егемен Қазақстан»

Кешегінің жұрнағы, бүгінгінің көнесі 

Әдебиетке әркімнің-ақ таласы бар заман өтіп кеткенін мойындау қалай болған күнде ауыр. Нарық зама­нының елең-алаңында қолына қалам ұста­ған жігіттердің арасынан адамдар кітап­қа оралады әлі дегенді сеніммен айт­қандарына қарағанда әдебиеттің өмірдегі артықшылығына үміттері күшті болған-ау, шамасы. 

Қорғанбек АМАНЖОЛ, «Егемен Қазақстан»

Қолдан жасалған қасірет

Жылда мамырдың соңындағы Аза тұту күні жақындаған сайын мен қазақпын деген әрбір адамның жүрегі қарс айрылмауы, 30-шы жылдардағы саяси қуғын-сүргіннің, ғаламат ашаршылықтың құрбандарын еске алып күңіренбеуі мүмкін емес дер едік. 

Бекен ҚАЙРАТҰЛЫ, «Егемен Қазақстан»

Оразаның нығметі

«Зор сүйінші айтайын, Мұсылман болып туғанға. Ислам дінін қуғанға...» деп Майлықожа бабамыз жырлағандай, исламды дінім, Мұхаммедті пайғамбарым деп таныған мүміндер үшін қасиетті рамазан айы туды. Аллаға бойұсынушы қауым бұл айды «Айлардың сұлтаны» деп ерекше әспет­тесе, үлкен сахаба Абдулла Аббас «күн­­дердің қайырлысы – жұма, айлардың қайыр­лысы – рамазан» деген екен.

Александр ТАСБОЛАТОВ, «Егемен Қазақстан»

Жол апатын азайту жүргізуші мәдениетіне байланысты

Өткенде екі көлік соқтығысып қал­ды. Олар көшенің бағдаршамы жоқ қиылысында бір-біріне жол бермеген. Содан екі жүргізуші бірін-бірі кінәлап жатыр. 

Тағы да оқу

Пікірлер(0)

Пікір қосу