Теннис • 05 Ақпан, 2018

Қазақстан құрамасы Дэвис кубогының ширек финалына жолдама алды

22 реткөрсетілді

Қазақстан құрамасы теннистен ұлттық командалардың бейресми әлем чемпионаты саналатын Дэвис кубогының ширек финалына жолдама алды. 

2-4 ақпан күндері еліміздің теннисші жігіттері азуын айға білеген Швейцария құра­масын жеңіп, Отан абыройын тағы бір мәрте асқақтатты.

Швейцария құрамасы Астанаға өз елінің һәм әлемнің үздік теннисшілерінің бірі және бірегейі Роджер Федерер мен Стэн Вавринканы әкел­ме­се де халықаралық турнир­лер­де әбден ысылған, тәжі­рибе­лі ойын­шыларымен кел­ген-ді. Спортшыларымыз өзге ел­дің құрамалары секілді Қазақ­­стан­ның да әлемдік дең­­ге­й­де ой­най алатынын дәлелдеп берді.

Дәл осы турнирдің 2010 жыл­ғы бәсекесінің плэй-офф кезеңінде Швейцарияны Вавринка секілді үздік тен­нис­шісі ойнаған кезде де 5:0 есебімен тас-талқан етіп ұтқа­нымызды жанкүйерлер әлі ұмыта қоймаған шығар. Сол жылы Роджер Федерердің отан­дас­тарын жеңіп қана қой­май, Дэ­вис кубогының әлемдік то­бы­на шыққан едік. Міне, ара­­да сегіз жыл өткенде азулы қар­­­сы­­ласы­мызды тағы да же­ңіп, әлемдік сынның ширек фи­­на­лына жолдама алып отырмыз.

Қазақстан спортшыларына бұл жеңіс оңай келген жоқ. Тәуелсіздік алғаннан бері Елбасы­ның әрдайым спортқа көңіл бөлуінің, ұдайы қолдау көр­­сетіп келе жатқаны­ның ар­қа­­­сында оғландарымыз осын­дай айтулы жеңіске жетіп отыр.

Сондай-ақ Словенияда футзалдан Еуропа чемпио­натының «В» тобында сынға түсіп жатқан Қазақстан құра­ма­сының футзалшылары өз тобында бірінші орынмен ширек финалға шықты. Бұл 2016 жылғы біріншіліктегі нәтижемізді жақсартуға тағы бір тамаша мүмкіндік. Екі жыл бұрын отандастарымыз үшін­ші орын иеленген болатын.

Сөйтіп бұл саңлақтарымыз төрге озған күн болды.

Әли БИТӨРЕ,

«Егемен Қазақстан»

Баннер
Соңғы жаңалықтар

Бүгін – жартылай финал

Спорт • Бүгін, 09:44

Ұқсас жаңалықтар