Үкімет • 12 Шілде, 2018

Инвестициялық ынтымақтастық нығая түседі

185 реткөрсетілді

Үкімет басшысы Бақытжан Сағынтаев елімізге жұмыс сапарымен келген Швейцарияның федералдық кеңесшісі және экономика, білім беру және зерттеулер федералды департаментінің басшысы Йоханн Шнайдер-Амманмен кездесіп, Қазақстан мен Швейцарияның инвестициялық ынтымақтастығының келешегін талқылады. 

Екеуара кездесуде Б.Сағын­таев еліміздің энергетика, көлік, ша­ғын және орта бизнес сала­лар­ындағы тығыз әрі өзара тиім­ді ынтымақтастыққа, сондай-ақ жаңа технологиялар мен ноу-хау трансфертін реттеуге қызығу­шы­лық танытатынын атап өтті. Бү­гінгі таңда Қазақстанда швей­ца­рия­лық компаниялардың қаты­суымен машина жасау, құрылыс, агроөнеркәсіп және тау-кен металлургия кешендері салаларындағы жобалар сәтті іске асырылуда.

Сонымен қатар Премьер-Ми­нистр елімізде ше­тел­дік инвестор­лар үшін елеулі салықтық және кедендік жеңіл­дік­тер мен қолайлы инвестициялық ахуал жасалғанын айтты.

Атап өтерлігі, 2017 жылдың ба­сынан бері елімізде Швейцария азаматтары үшін 30 күндік визасыз режім енгізілді. Қабылданған шаралар алдағы жылдары Қазақ­стан экономикасына инвестиция­лар салып, технологиялар транс­фертін жүзеге асырушы Швей­цария кәсіпорындары қатарын ұлғайтуға жол ашады.

Ал Қазақстан мен Швей­ца­рия­ның іскерлік кеңесінің аясында бұқаралық ақпарат құралдары өкілдеріне сұхбат берген Йоханн Шнайдер-Амман Қазақстанның стратегиялық әріптес ретінде Швей­царияда жоғары бағалана­тындығын атап өтті. Сондай-ақ достық пен сенімге негізделген қарым-қатынастар аясында екі елдің бизнес өкілдерінің өзара тиімді келісімдерге қол жеткізу ықтималдығына тоқталып өтті.

– Швейцариялық бизнес өкілдерінің Қазақстанға қызығу­шы­лығы жоғары. Мен Қазақстанға осы­дан бес жыл бұрын алғаш рет кел­генімде адамдардың санасы оң өз­герістерге бейім екендігіне, бо­лашаққа зор ұмтылыстарына көз жеткізген болсам, бұл жолғы сапарымда елде кәсіпкерлік рухының қалыптасып, кемелденгендігіне куә болып отырмын. Кеше Ақтау портына барғанда ел дамуының шынайы бет-бейнесін көргендей болдым. Міне, Қазақстанның осы жетістіктері Швейцария биз­несінің келуіне жол ашады, – деді Йоханн Шнайдер-Амман.

Жалпы, өткен жылдың қоры­тын­дысы бойынша Қазақстан мен Швейцария арасындағы тауар айналымы 3,2 млрд АҚШ долларын құрады, бұл көрсеткіш 2016 жылға қарағанда 21 процентке артық. Ал 2018 жылдың қаңтар-мамыр айларында тауар айналымы 1,14 млрд долларды құраған.

Оған қоса 2005–2017 жылдары Швейцариядан Қазақстанға тікелей инвестициялардың жалпы ағыны 20,6 млрд АҚШ долларына жеткен. 1 мамырдағы жағдай бойынша елімізде швей­цария­лықтардың қатысумен 436 заңды тұлға, бөлімшелер мен өкілдіктер тіркелген.

Йоханн Шнайдер-Амман 2016 жылы Швейцария президенті лауазымын атқарған тұлға. Сондай-ақ әр жылдары Швейцарияның машина жасау, энергетика және басқа да маңызды салаларындағы азулы компанияларды басқарған.

Серік ӘБДІБЕК,

«Егемен Қазақстан»

Соңғы жаңалықтар

Барлық мәселе ашық айтылды

Аймақтар • Бүгін, 06:56

Тендерді майшелпек көреді

Саясат • Бүгін, 06:55

Туризм – табыс көзі

Парламент • Бүгін, 06:53

Қиырдағы қайырымды қазақ

Қоғам • Бүгін, 06:45

Музыкалық мәдениет – мектептен

Руханият • Бүгін, 06:36

Азияның үздігі атанды

Ауыр атлетика • Бүгін, 06:30

Күніне бір жақсылық жаса!

Руханият • Бүгін, 06:27

Музей қоры толықты

Руханият • Бүгін, 06:23

Өтініштер партия назарында

Аймақтар • Бүгін, 06:20

Жаңа жолда жүз ақау

Қоғам • Бүгін, 06:17

Алматы, 1921 жыл, 8 маусым

Руханият • Бүгін, 06:12

Жаңа энергия блогы іске қосылады

Экономика • Бүгін, 06:00

Қайран, Құмсай!..

Руханият • Бүгін, 05:31

Солтүстік шұғыласы

Руханият • Бүгін, 05:25

Қашқан сарбаз ұсталды

Қазақстан • Бүгін, 05:05

Бақылау барынша күшейтілді

Саясат • Бүгін, 05:05

Жапон иені: кеше және бүгін

Экономика • Бүгін, 05:05

Жолдама үшін жұдырықтасады

Кәсіпқой бокс • Бүгін, 05:00

Ұқсас жаңалықтар