Өнер • 27 Шілде, 2018

Жамбыл облысында Астана күндері өтті

196 реткөрсетілді

Астана қаласының 20 жылдық мерейтойы еліміздің барлық өңірінде жоғары деңгейде аталып өтті. Күн санап қарыштап дамып келе жатқан елорда елдігіміздің айғағы, мемлекеттігіміздің көрінісі екені анық. Бүгінгі таңда бас қалаға қарап еліміздің өзге облыстары мен қалалары бой түзеп келеді. Сондықтан да аймақтар үшін Астананың алатын орны ерекше.

Айтулы мерейтойға орай Жамбыл облысында Астана күндері өтті. Осыған орай Әулиеата өңіріне Астана қаласынан қала әкімінің орынбасары Ермек Аманшаев бастаған арнайы делегация келіп, жамбылдықтармен жүздесті. Әуелі елордалық делегация бірқатар өндіріс орындарын аралап, өңірдің экономикалық-әлеуметтік дамуын оң бағалап, өздерінің пікірлерін білдірді.

Бұдан кейін олар М.Х.Дулати атын­дағы Тараз мемлекеттік универ­си­тетінде өткен «Аймақаралық ынты­мақ­тастық биз­нес-форумына» қатысты. Мұнда өз салалары бойынша тәжірибе алмасты. Жиынды ашып, жүргізіп отырған Жамбыл облысы әкімінің орынбасары Ерқанат Манжуов Астана  барлық өңірдің, соны­мен қатар әрбір қазақстандықтың мақ­танышы екенін айтып өтті. Сондай-ақ ол Әулиеата өңіріндегі Астана күн­де­рі аясында ұйымдастырылған бұл биз­нес-кездесу өзара ынтымақтастықты дамытуға және тәжірибе алмасуға таптырмас мүмкіндік екенін жеткізді.

Өз сөзінде Астана қаласы әкімінің орынбасары Ермек Аманшаев тарихы терең Тараз жерінің, әлеуеті артқан Әулие­ата өңірінің қонақжайлылығына ризашылығын білдірді. Сонымен қатар Астана қаласының әлем шаһарлары ара­сын­­дағы абыройы мен беделін қалып­тас­тырудағы Елбасының ерен еңбегін атап өтіп, бас қаланың гүлденуі жолында Жамбыл облысының да үлесі мол еке­нін айтты. «Бұл кездесу аймақтардың ара­сындағы сауда-экономикалық қарым-қа­ты­настардың одан әрі дамуына серпін береді» деп атап өтті Ермек Әмірханұлы.

Кездесу барысында Астана қалалық ин­вестиция және кәсіпкерлікті дамыту бас­қармасы басшысының орынбасары Ерлан Бекмұрзаев, «Астана» ӘКК» ҰК» акционерлік қоғамы төрағасының орынбасары Досбол Күшербаев, «Астана Innovations» АҚ басқарма төрағасының орынбасары Серік Құсайынов, «Смарт­нет» жеке кәсіпкерлігінің директоры Таир Қожахметов және «Лед Солюшн» жауапкершілігі шектеулі серіктестігінің директоры Қаныбек Айтақов сөз алып, Астана қаласында атқарылып жатқан келелі жобалар мен жарқын істерге тоқ­талды. Сондай-ақ бүгінде даму­дың даңғыл жолына түскен Тараз қала­сын­да да түрлі игі жобаларды бірлесе ат­­қаруға ниет білдірді. Аталған форум ая­сында қос тараптың өкілдері ара­сын­да ынтымақтастық жөніндегі ме­мо­рандумға қол қойылды.

Бұдан кейін астаналық делегацияның қаты­суымен облыстық өлкетану музей­ін­де «Ақ тілекпен, Астана!» атты көр­менің ашылу салтанаты өтті. Мұнда қо­нақ­тар Астананың және Әулиеатаның та­ри­хына қатысты дүниелерді тамаша­лады. Бас қаланың байтақ мерейтой­ына орай Жамбыл облысындағы Астана күндері аясында «Баласағұн» орта­лық концерт залында Астана қаласы әкім­ді­гінің Мемлекеттік академиялық филар­мониясы әулиеаталық көпшілікке «Астанадан ақ тілек...» атты концерттік бағ­дарламасын ұсынды. Концерт барысында Астана қаласы филармониясының «Шалқыма» би ансамблі, Эстрада би ансамблі, Қазақ оркестрімен қатар, Гүлмира Ақүрпекова, Клара Төленбаева, Алмас Кішкенбаев сынды танымал әншілер өнер көрсетті.

Хамит ЕСАМАН,
«Егемен Қазақстан»

Баннер
Соңғы жаңалықтар

Тойтөбеге  саяхат 

Аймақтар • Кеше

Ай соңына дейін жұмысын аяқтайды

Аймақтар • 19 Шілде, 2019

Арыс балалары Бөбекте демалады

Аймақтар • 19 Шілде, 2019

Қарсыласы қарымды

Кәсіпқой бокс • 19 Шілде, 2019

Полицей сәбиді құтқарып қалды

Аймақтар • 19 Шілде, 2019

Тандыр наннан шеге шықты

Аймақтар • 19 Шілде, 2019

Аптап ыстықта өрт көбеюі мүмкін

Аймақтар • 19 Шілде, 2019

Игі істің игілігін көруде

Аймақтар • 19 Шілде, 2019

«Жәрдем» жобасының жәрдемі

Аймақтар • 19 Шілде, 2019

Әкімдерге бағаны халық беруі керек

Қазақстан • 19 Шілде, 2019

Жер құнарын жақсарту қажет

Қазақстан • 19 Шілде, 2019

«Jastar kerýeni» жолға шығады

Аймақтар • 19 Шілде, 2019

Жаңа мүмкіндіктерге жол ашады

Қазақстан • 19 Шілде, 2019

Ұқсас жаңалықтар