«Tamasha tv» телеарнасының эфирі «Қазақстан» телерадиокорпорациясының ішкі телеөнімімен толықтырылатын болады.
Жаңа телеарнада телерадиокорпорация мұрағатында жылдар бойы сақталған, кезінде көрерменнің көңілінен шыққан танымал ойын-сауықтық бағдарламалар эфирге қайтадан оралатын болады. Бұл телеарна отандық телевизия әлемінде ойын-сауықтық, әзіл-сықақ жанрындағы бағдарламаларды кеңейтуді көздейді.
«Tamasha tv» телеарнасының орташа тәуліктік хабар тарату уақыты 22 сағатты құрайтын болады. «Tamasha tv» телеарнасының директоры боп Есен Елеукен тағайындалды.
