2016 жылы орталық өміріндегі маңызды оқиға Жас патриоттар академиясы ашылды. Өскелең ұрпақты патриоттыққа тәрбиелеудің ядросы және қозғаушы күші болатын академия жыл сайын «Біз – Мәңгілік елдің іргетасын қалаушы Ұлы Дала ұрпағымыз!» атты республикалық патриоттар форумын өткізіп келеді.
Жас патриоттар академиясының мүшелері өз мектептерінде, қала, облыс көлемінде патриоттық тәрбие, рухани-адамгершілік құндылықтарды қалыптастыру бағытында жұмыстарын жалғастырып, жалпыұлттық патриотизмнің өзегіне айналды.
Республика бойынша зор қолдауға ие болған «Туған жер» бағдарламасы, «Қазақстанның киелі жерлерінің географиясы» жобасы бойынша да орталық өздерінің елді мекендерін зерттеп, тарихын танып, абыройын асқақтату үстінде көптеген істерге ілкі қадам жасап отыр.
Жас патриоттар академиясының жұмысы әр баланың Отанға адал, қоғамға пайда әкелетін патриоттық тәрбие жүйесін қалыптастыруға ықпал етеді. Осы міндеттерді орындауда да балаларды сауықтыру орталықтарының атқаратын үлестері зор.
Аталған орталық интеллектуалдық дарынды және өзіндік азаматтық ұстанымымен патриоттық тәрбие алған жеке тұлғаны дамыту және қолдау үшін барлық жағдайды жасауға ұмтылуда. Мемлекет басшысы Н.Назарбаевтың «100 нақты қадам» Ұлт жоспарында белгілеген бастамалары аясында «Балдәурен» ұжымы педагогикалық шеберліктің алдыңғы шебінде болуға қадам жасай отырып, ең таңдаулы халықаралық креативті технологияларды таңдап, талмастан игеруде.
Жангелді ӘМІРҒАЛИЕВ,
«Балдәурен» республикалық оқу-сауықтыру орталығы бас директорының оқу-тәрбие ісі жөніндегі орынбасарының міндетін атқарушы