Жартылай ауыр салмақта күш сынасып жүрген 27 жастағы Гомес осы күнге дейін 31 кездесуде 17 рет жеңіске жетіп, 11 бәсекені мерзімінен бұрын аяқтаған еді. Ал 23 жастағы Ахмедов болса, 12 жекпе-жектің барлығында басымдық танытып, 9 қарсыласын есінен тандырды. Бұл кеште қазақстандық өреннің үстемдігі бірден байқалды.
Бәсеке басталған бетте тізгінді мықтап қолға алған Әли Джованниді ауыр соққылардың астына алды. Алғашында қарсылық көрсетуге тырысқан мексикалық боксшы ақырында бүйірінен қатты соққы жіберіп алды. Содан ол кездесуді жалғастыруға жарамады. Осылайша, бұл айқастың тағдыры бірінші раундта-ақ шешілді.
Осы жеңісінің арқасында Әли Ахмедов өзінің тиесілі NABF Junior нұсқасы бойынша чемпиондық атақты сақтап қалды.
Ғалым СҮЛЕЙМЕН,
«Егемен Қазақстан»