Кино • 19 Қараша, 2018

Румынияда қазақ киносының фестивалі өтті

300 рет
көрсетілді
1 мин
оқу үшін

Трансильванияның тарихи орталығы, Румынияның Клуж-Напока және Констанца қалаларында «Рухани жаңғыру» бағдарламасы аясындағы «Жаһандық әлемдегі заманауи қазақстандық мәдениет» жобасы бойынша қазақ  киносының екінші фестивалі өтті.   

Румынияда қазақ киносының фестивалі өтті

Ш.Айманов атындағы «Қа­зақ­фильм» киностудия­сы Қазақстанның Румы­ния­дағы елшілігі мен Клуж-На­пока қаласының құр­­­мет­­ті консулдығымен бір­лесіп  ұйымдастырған фес­­ти­­вальде соңғы жылда­ры өнер кеңістігіне айтулы жа­ңа­лығымен енген отан­­дық үздік туындылар­ көрсетілді. Атап айтар бол­сақ, Ш.Айманов атын­да­ғы «Қазақфильм» киносту­диясында жарық көр­ген «Жау­жүрек мың ба­ла», «Ана­ға апарар жол», «Құ­нанбай», «Оралман» және «Жаң­ғақ тал» фильмдері румын көрер­­мендерінің көзайы­мына айналды.  

Фестивальдің ашылу салтанатында Қазақстанның Ру­мы­ния­дағы елшісі Дәулет Батырашев румын аудиториясын отандық киноөндіріс өнімдерімен таныстыру­ ша­расы мемлекеттердің мә­­де­­­ни-гуманитарлық ын­ты­мақ­­­тастығының дамуына және екі елдің рухани жа­қын­дасуына ықпалын ти­гі­зетінін айрықша атап өтсе, ак­тер Асылхан Төлепов кө­рер­мендерге «Жаужүрек мың бала» фильмінің түсірілуі туралы айтып берді. 

Айтулы өнер оқиғасына жергілікті тұрғындар мен қоғам қайраткерлері, үкімет, іскер­лік және академиялық орта өкілдері, сондай-ақ Клуж-Напока қаласында оқып жүрген қазақстандық сту­­­­денттер қатысты. Олар қа­­­­зақ кинофестивалі қаланың мәдени өмірінде ерекше құ­­­былыс болғанын, бұл ша­раның Румыния Бірлігінің жүз­­жылдық мерейтойы қар­саңында өтіп жатқанын айтып, көрсетілім соңында өз әсер­лерімен бөлісті. 

Отандық фильмдерден­ ша­быт алған румын кө­рер­мендері мен кино мамандары режиссерлер жұмы­сына жоғары баға беріп, қа­зақ­­стандық кино мектебінің ерек­­ше­ліктеріне жан-жақты тоқталды. 

Айгүл АХАНБАЙҚЫЗЫ,

«Егемен Қазақстан»

АЛМАТЫ