Жақын арада Қарағандыда ашық аспан астындағы екі бірдей мұз айдыны саламатты өмір салтын серік еткендер үшін пайдалануға беріледі. Оның бірі «Шахтер» стадионының жанынан ашылса, екіншісі орталық саябақтағы қатқан көлдің үстінде орын теппекші. Сонымен қатар, бұл жерде қармен жүретін көліктерді де жалға алу мүмкіндігі қарастырылатын болады.
Ал қазір қала тұрғындары мен қонақтары облыс орталығындағы «Ақжолтай» және «Doszhan Sport» мұз айдындарында коньки тебе алады. Бұл нысандардағы ақылы қызмет қолжетімді. Мысалы, конькиді бір сағатқа жалға алу орта есеппен 600 теңге болса, мұзда сырғанау 1000 теңгенің мұғдарында.
Қайрат ӘБІЛДА,
«Егемен Қазақстан»
Қарағанды
