Қазақстан • 17 Қаңтар, 2019

Тікұшақ апатынан қайтыс болған ұшқыштың кім екені анықталды

50 реткөрсетілді

Алматыдағы апат салдарынан әуе кемесінің командирі, 1968 жылы туған Валентин Шитов есімді азамат оқиға орнына жеткен жедел-жәрдем каретасында қаза тапты.

Фото: tengrinews.kz

Бүгін сағат 16:05-те Алматы қаласы аумағында  Sky Service әуекомпаниясына тиесілі «Еврокоптер-130» маркалы тікұшағы апатқа ұшырады. Мәлім болғандай әуе кемесі шаһардың Наурызбай ауданына қарасты «Алатау» шипажайының ашық алаңқайына құлаған.

Төрт кісіге арналған шағын тікұшақ кабинасында ұшқыш өзі ғана болған. Төбеден жай түскендей әсер еткен қайғылы оқиға орын алысымен бұл ақпаратты Ішкі істер министрлігінің Төтенше жағдайлар комитеті растаған болатын. Жедел қызмет мамандары оқиғаның себеп-салдарын анықтау үстінде. Алдын ала мәлімет бойынша тікұшақ Боралдайдан Үлкен Алматы көліне бағыт алған. Арнайы жедел қызмет тобы мен көлік апаттарын тергеу департаменті апат салдарын анықтау ісін бастады.

Арман ОКТЯБРЬ,

«Егемен Қазақстан»

АЛМАТЫ

Баннер
Соңғы жаңалықтар

Жаңа кітаптың тұсаукесері өтті

Аймақтар • Бүгін, 18:03

Ұқсас жаңалықтар